Bota

Edhe SHBA ndalon “Boeing 737 MAX”

Presidenti amerikan, Donald Trump njoftoi sot se të gjithë avionët “Boeing 737 MAX 8” dhe “Boeing MAX 9” nuk do të ngrihen në fluturim në SHBA, pasi një avion i të njëjtit model i “Ethiopian Airlines” u rrëzua duke shkaktuar vdekjen e 157 personave.

“Ne do të dekretojmë në urgjencë ndalimin e të gjitha fluturimeve të modeleve 737 MAX 8 dhe 737 MAX 9”, deklaroi Trump nga Shtëpia e Bardhë, duke theksuar se ky vendim aplikohet me efekt të menjëhershëm, shkruan ATSH.

Rrëzimi që shkaktoi vdekjen e 157 personave nga 35 kombësi, është rasti i dytë në gjashtë muaj për modelet “Boeing 737 MAX 8”. Në rrethana të ngjashme, një avion i të njëjtit lloji u rrëzua në fund të tetorit në brigjet e Indonezisë, duke shkaktuar vdekjen e 189 personave.

Related Posts

Leave a Reply