Albania

Shqiptarët që mbetën jashtë vendit, Rama: Po punojmë së bashku me Presidencën

Kryeministri Edi Rama edhe ditën e sotme ka vijuar komunikimin me qytetarët ku u ka bërë thirrje që për çdo emergjencë që kanë të drejtohen në platformën e emergjencës të krijuar në Shqipëriaqëduam.al.

Rama ka njoftuar se për të gjithë ata persona që kanë mbetur jashtë Shqipërisë për shkak të mbylljes së kufijve po bëhen disa procedura dhe akordime së bashku me Presidencën dhe Ministrinë e Jashtme që ata të kthehen.

“Edhe dje me presidentin e kemi ndarë këtë shqetësim për sa u përket personave që janë jashtë vendit. Me ministrinë e Jashtme gjithashtu. Aktualisht janë të identifikuar dhe të listuar si rezultat i anekses 1379 shtetas dhe 2163 të raportuar. Kush ndjek këtë komunikim të identifikohet nëpërmjet platformës. Mos u ankoni për ambasadat se janë duke u marrë me këtë punë. Përdorni kanalin e urgjencës. Në të gjithë temat që ndoqa ka një numër të konsiderueshëm që janë shqetësime që vijnë nga ata që janë matanë kufijve dhe kërkojnë të kthehen. Numri më i madh është në Itali. Por Italia kishte kusht për të bërë testime dhe për të nxjerrë jashtë të huajt Jemi gati të përgatisim edhe tërheqjen e tyre ne Itali, 341 persona janë në Kroaci që mund të vijnë në rrugë automobilistike po ashtu. Kroacia nuk është shumë larg. Ka edhe një sur vendesh të tjera me numra amë të vegjël. Ne i shohim si njerëz të familjes që duhet të kthehen. Janë bërë edhe shumë zgjidhje. Kemi marrë 52 nga Spanja,  114 nga Greqia, 110 nga Rumania, 45 Bullgaria, 22 nga Franca, 33 Emiratet e Bashkuara dhe kështu me radhë”, tha Rama.

Related Posts