Departamenti amerikan i Drejtësisë njoftoi sekuestrimin e katër domain-eve që i përkasin grupeve të hakerave iranianë, të lidhura me qeverinë iraniane të përdorura për të sulmuar infrastrukturat e shteteve armike me Iranin.
Domain-et e sekuestruara – Justicehomeland[.]org, Handala-Hack[.]to, Karmabeloë80[.]org dhe Handala-Redëanted[.]to – janë përdorur nga MOIS (Ministria e Inteligjencës dhe Sigurisë e Iranit) për të çuar përpara operacionet hakeruese ndaj kundërshtarëve të regjimit
Këto përfshinin marrjen e përgjegjësisë për sulme kibernetike, publikimin e të dhënave të ndjeshme të vjedhura gjatë këtyre sulmeve, si dhe thirrje për vrasjen e gazetarëve, disidentëve të regjimit dhe shtetasve izraelitë.
Rreth datave 15 korrik 2022 dhe 9 shtator 2022, aktorë të lidhur me MOIS përdorën domain-in Justicehomeland[.]org për të marrë përgjegjësinë për vjedhjen e dokumenteve sensitive nga institucione të qeverisë shqiptare.
Sipas autoriteteve amerikane, motivi i publikimit të këtyre të dhënave lidhet me vendimin e qeverisë shqiptare për të mbështetur grupin disident iranian Mujahedeen-e-Khalq (MEK), i cili në të kaluarën ka bërë thirrje të hapura për rrëzimin e regjimit në Iran, shkruan Departamenti amerikan i Drejtësisë.
