Albania
“E majta italiane po tenton të përjashtojë Ramën nga PSE pas marrëveshjes për emigrantët”- Meloni publikon reagimin e kryeministrit: Përgjigje efektive!
Kryeministrja italiane ka reaguar në lidhje me përpjekjet e të majtës italiane për të përjashtuar kryeministrin Edi Rama nga Partitë Socialiste Europane, për shkak të marrëveshjes për emigrantët.
Giorgia Meloni ka publikuar videon e Ramës ku shpreh reagimin e tij në lidhje me kërkesën e së majtës italiane.
Kryeministrja italiane e ka cilësuar përgjigje të duhur atë të Ramës, ku thotë se marrëveshja nuk ka të bëjë me të majtën apo të djathtën, por është e duhura për të mbështetur Italinë në këto momente, për menaxhimin e flukseve të migrantëve.
“E majta italiane po kërkon të përjashtojë kryeministrin shqiptar, Edi Rama nga Partitë Socialiste Europiane për marrëveshjen që firmosi me Italinë për emigrantët. Dëgjoni përgjigjen e tij efektive”, shkruan Meloni në platformën “X”.
