Albania
Fjalori i madh i Gjuhës Shqipe, vepra që mbron e pasuron shqipen në Ditën e Alfabetit
Tërë fjalorët e mëparshëm, por po aq edhe fjalë nga veprat e autorëve më në zë shqiptarë nga Buzuku, Fishta, Mjeda, Noli, Frashëri e deri tek Qosja e Kadareja janë bërë bashkë me fjalën e fundit të teknologjisë për të hartuar Fjalorin e Madh të Gjuhës shqipe.
Ashtu sikurse janë bërë bashkë 55 studiues e akademikë nga të gjitha trevat shqipfolëse për të krijuar këtë vepër që numëron më shumëse dyfishin e fjalëve të fjalorëve në qarkullim.
Nën drejtimin e akademikëve Thomaie Memisha Fjalori i madh i gjuhës shqipe, u projektua jo vetëm për fjalët, por edhe për njësitë frazeologjike, për shprehjet e huaja dhe të pa asimiluara, për sinonimet dhe antonimet, për shkurtesat dhe akronimet.
Vepra që ka gjithsej 124.000 njësi ka bërë bashkë në Kuvendin Kombëtar për gjuhën shqipe në pallatin e Brigadave jo vetëm gjuhëtarët, por edhe shkrimtarë, mësues, akademikë, nxënës të Liceut Artistik po aq sa edhe ministren Manastirliu.
Fjalori i madh i gjuhës shqipe është një nga tre veprat madhore që Akademia e Shkencave ka ndërmarrë katër vjet më parë bashkë me enciklopedinë shqiptare dhe Historinë e popullit shqiptar.