Bota
Italia i vë veto BE-së për Venezuelën
Italia ka bllokuar një rezulotë të përbashkët të Bashkimit Europian, e cila njohin Juan Guaido si Presidentin legjitim të Venezuelës.
Deri më sot janë 19 vende të Bashkimit Evropian e pranojnë Juan Guaido si president të Venezuelës të zgjedhur nga Asamblea Kombëtare deri në zgjedhjet e ardhshme të lira.
Janë ende 9 vende të tjera mes të cilave Italia, të cilat e mendojnë ndryshe.
Kryetari i Parlamentit Evropian, Antonio Tajani, ka zgjedhur një ditë më parë selinë e urdhrit të gazetarëve të huaj në Romë për të bërë publik vendimin e Bashkimit Evropian, duke u shprehur se është e parpanueshme që Italia është në krah të Maduros.
Qeveria Conte ka dalë në orët e vona të mbrëmjes së djeshme me një notë zyrtare ku shprehet se “Italia mbështet dëshirën e popullit venezuelian për të arritur sa më shpejt në zgjedhjet e reja presidenciale të lira e transparente”, pa përmendur as Presidentin Maduro e as Juan Guaido.
Sipas mediave italiane, qeveria e Romës ka vendosur veton për mospublikimin dje të një rezolute të përbashkët të 28 vendeve europiane kundër regjimit të Maduros.
Ky qëndrim i qeverisë italiane, ka çuar dhe në një çarje të brendshme mes koalicionit qeverisës.
Warning: Undefined variable $user_ID in /var/www/wptbox/wp-content/themes/zox-news/comments.php on line 49
You must be logged in to post a comment Login