Albania
Parlamenti grek mbështet babanë shqiptar në grevën e urisë për drejtësi ndaj të birit
Greva e urisë e Pano Ruçit, babait shqiptar të 22-vjeçarit Denis Ruçi, i cili humbi jetën në aksidentin hekurudhor të Tempit, ka hyrë në fokusin e Parlamentit grek.
Ministri i Mbrojtjes, Nikos Dendias, u shpreh në mbështetje të babait, duke theksuar se “është e drejtë e një babai të kërkojë hetim për vdekjen e të birit”. Ky reagim erdhi pas kritika të opozitës, e cila akuzoi qeverinë për neglizhencë në trajtimin e rastit.
Ndërkohë, Gjykata e Larisës ka pranuar kërkesën për zhvarrosje dhe kryerjen e një ekspertize të re mjeko-ligjore, pasi familja dyshon se trupi i varrosur nuk i përket Denis Ruçit. Procesi i ekspertizës do të zhvillohet javën e ardhshme, ndërsa Pano Ruçi ndodhet në javën e katërt të grevës së urisë, me gjendjen shëndetësore që po përkeqësohet.
