Një ngjarje e rëndë ka tronditur qytetin Shreveport në shtetin e Louisiana, ku një person i armatosur ka hapur zjarr në disa banesa, duke vrarë tetë fëmijë dhe plagosur disa të tjerë.
Sipas policisë lokale, gjithsej 10 persona janë qëlluar, me viktima të moshës nga 1 deri në rreth 14 vjeç. Dy të rritur gjithashtu kanë mbetur të plagosur në sulm.
Autoritetet konfirmuan se autori i dyshuar u neutralizua më vonë nga forcat e rendit pas një ndjekjeje. Shefi i policisë së Shreveport-it, Wayne Smith, e përshkroi ngjarjen si një skenë “të paprecedentë dhe tronditëse”.
Sipas zëdhënësit të policisë, Chris Bordelon, hetimet paraprake sugjerojnë se sulmi mund të ketë qenë një akt dhune brenda familjes, pasi disa nga fëmijët e vrarë dyshohet se ishin të afërm të autorit.
Ngjarja ka ndodhur në disa vendndodhje të ndryshme, ndërsa autoritetet besojnë se autori ka vepruar i vetëm dhe më pas ka tentuar të largohet me një automjet të vjedhur.
Policia ka bërë thirrje për bashkëpunim nga qytetarët që mund të kenë pamje apo informacione, ndërsa hetimet për motivin dhe rrethanat e plota të tragjedisë vijojnë.
