Shendetesi
‘Syzet me xhama të errët, të dëmshme’/ Mjeku: Nuk japin informacionin e duhur në tru
Temperaturat përvëluese të Qershorit i kanë drejtuar qytetarët në plazhet e vendit.
Shpesh herë si mbrojtje ndaj temperaturave të larta, pushuesit përdorin syzet dhe kremra mbrojtës ndaj diellit.
Por ja çfarë thonë bluzat e bardha në lidhje me përdorimin e tyre.
“Syzet me xhama të errët me mbrojtje të lartë, gënjejnë trurin për mbrojtjen nga rrezatimi. Syze e diellit modifikojnë sasinë e dritës që vjen në organizëm. Kremrat janë të dëmshëm për organizmin se kanë mërkur dhe përthithet për 30 minuta”, thotë mjeku Bektash Mandri.
Mjeku i përgjithshëm Bektash Mandri thotë se qytetarët duhet të shmangin rrezet e dëshmte të diellit në orët e pikut.
Kërkime të ndryshme shkencore kanë dalë në rezultatin se elementët kimikë në përbërjen e kremërave të diellit përthithen në nivele të larta nga lëkura e njeriut, si oxybenzonet të cilat ndërhynë në sistemin hormonal.
Ndaj rekomandohen kremërat mineralë për mbrojtje ndaj diellit.
Por veç kremrave, këshillohet shmangia e qëndrimit në diell në kohën e pikut, veshjet e përshtatshme të lehta dhe përdorimi i kapeles.