Presidenti i SHBA-së, Donald Trump, tha se ishte një “ditë e madhe dhe e shkëlqyer për botën” tani që Irani e kishte shpallur të hapur Ngushticën e Hormuzit.
Por ai shtoi se bllokada amerikane e porteve iraniane do të mbetej “në fuqi të plotë” derisa “transaksioni” për t’i dhënë fund luftës të ishte “100% i përfunduar”.
Ai gjithashtu ka sugjeruar se mund t’i japë fund armëpushimit me Iranin, nëse deri të mërkurën nuk arrihet një marrëveshje afatgjatë për t’i dhënë fund luftës.
Duke postuar në X, Kryetari i Parlamentit të Iranit, Mohammad Bagher Ghalibaf, i cili ishte pjesë e negociatave ballë për ballë të fundjavës së kaluar, tha: “Me vazhdimin e bllokadës, Ngushtica e Hormuzit nuk do të mbetet e hapur”.
Teherani gjithashtu ka mohuar pretendimin e Trump se do të bashkëpunojë me SHBA-në për të rikuperuar rezervat e saj të uraniumit të pasuruar dhe për ta dërguar atë në Amerikë.
Ministria e Jashtme e Iranit tha se çështja “nuk është ngritur kurrë në negociata”.
