Kërcënimet e fundit nga zyrtarët rusë për t’u hakmarrë ndaj vendeve që ndërhyjnë në Ukrainë mund të shërbejnë për një qëllim të dyfishtë: të paralajmërojnë fuqitë perëndimore dhe në të njëjtën kohë të fitojnë mbështetjen e qytetarëve rusë në rast të një konflikti të plotë.
Presidenti rus Vladimir Putin tha në një fjalim javën e kaluar se çdo vend që “paraqiste një kërcënim strategjik për Rusinë” gjatë luftës së saj në Ukrainë duhet të priste një hakmarrje “të menjëhershme”.
Disa ditë më parë, ministri i jashtëm rus Sergei Lavrov tha në një intervistë se NATO në thelb wshtw në luftë me Rusinë me vendimin e saj për të pajisur me armë Ukrainën.
Disa ekspertë shprehen për revistën amerikane Newsweek se zyrtarët rusë kanë shtuar retorikën kërcënuese si një mënyrë për të “mbjellw” frikë te aleatët e NATO-s. Disa e shohin këtë edhe si një përpjekje për të fituar mbështetjen e popullit rus.
“Gjatë gjithë kësaj kohe, propaganda e brendshme ruse ka theksuar se Rusia nuk është në luftë me Ukrainën, por me NATO-n dhe Perëndimin”, shkruan Neësëeek. “Kjo perspektivë e bën më të lehtë shpjegimin e humbjeve ushtarake për audiencën vendase. Ajo gjithashtu ndihmon në krijimin e sfondit politik për një mobilizim të mundshëm ushtarak në shkallë të plotë në Rusi, të cilin regjimi deri tani ka hezituar ta shpallë. Dhe po, gjithashtu krijon presion politik për të goditur objektivat e NATO-s, duke filluar me linjat e furnizimit.”
Javën e kaluar, raketat ruse goditën Kievin disa minuta pasi Sekretari i Përgjithshëm i OKB-së Antonio Guterres përfundoi një takim me presidentin ukrainas Volodymyr Zelensky.
