Fëmijëve nën moshën 16 vjeç do t’u ndalohet të blejnë pije energjike me përmbajtje të lartë kafeine në Angli nga prilli, ka njoftuar qeveria.
Pijet që përmbajnë më shumë se 150 mg kafeinë për litër do të jetë e paligjshme t’u shiten fëmijëve dhe adoleshentëve nën 16 vjeç në dyqane, restorante, kafene, automatikë shitës dhe në internet.
Pijet freskuese me më pak kafeinë, si Diet Coke, nuk preken nga ky ndalim, as çaji dhe kafeja. Megjithatë, pije si Red Bull, Monster, Relentless dhe Prime Energy e kalojnë këtë kufi.
Ministrja e Shëndetit Publik, Sharon Hodgson, tha se ky ndalim “tregon angazhimin tonë të fortë për të krijuar brezin më të shëndetshëm të fëmijëve ndonjëherë”.
Ndalimi, i cili duhet të miratohet nga Parlamenti, do të zbatohet nga autoritetet lokale. Bizneset që shkelin ligjin mund të gjobiten me deri në 2,500 paund.
Rreth 100,000 fëmijë në Angli konsumojnë pije energjike çdo ditë, dhe autoritetet shëndetësore paralajmërojnë se këto pije mund të ndikojnë negativisht edhe në aftësinë e nxënësve për t’u përqendruar në shkollë.
