Bota
A ka filluar kundërsulmi i madh ukrainas?
Ushtria ukrainase vazhdon të mbrojë Bakhmutin, një qytet në lindje që është nën sulme brutale prej muajsh, pavarësisht se situata në qytet nuk është përmirësuar ende.
Ndërkohë, trupat ruse janë tani në ofensivë pranë Avdiivka, ku shpresojnë të kapin një zonë të fortifikuar në veri të Donetskut, transmeton Telegrafi.
Ushtria ruse po përparon gjithashtu drejt Kreminës, në veri të Bahmutit. Megjithatë, shenjat e para të fillimit të kundërofensivës ukrainase kanë filluar të shfaqen, gjykuar nga provat e raportuara në rajonet e Donbasit dhe Zaporizhzhia, shkruan portali i pavarur Meduza.
Bakhmut
Komanda ukrainase zhvendosi resurse të konsiderueshme në zonën e Bakhmutit. Disa batalione të freskëta të përqendruara në një vend specifik, pengojnë mercenarët e grupit të Wagner të rrethojnë plotësisht qytetin.
Deri më tani, mbrojtësit ukrainas kanë penguar me sukses trupat ruse të marrin kontrollin e rrugës që çon në perëndim nga Bakhmut përmes Hromovo, e cila shërben si linja kryesore e furnizimit të Ukrainës.
Formacionet e grupit mercenar rus Wagner sulmojnë rrugën e daljes jugperëndimore nga qyteti, tani kryesisht e papërdorshme për ushtrinë ukrainase.
Ukrainasit sulmojnë njësitë ruse të vendosura përgjatë rrugës. Në afërsi të Ivanivska, kjo rezultoi me tërheqjen e grupit të Wagner nga pozicionet përpara.
Forcave ukrainase nuk po i ecë edhe aq mirë në Bakhmut dhe gjetkë në periferi të tij. Mercenarët rusë depërtojnë si në veri ashtu edhe në jug të qendrës së qytetit. Pjesa më e madhe e zonës industriale në veri të qytetit (duke përfshirë fabrikën metalurgjike atje) u pushtua. Në jug të Bakhmutit, formacionet e Wagnerit arritën deri në rrugën Mariupol, përtej së cilës do të ishin në qendër të qytetit.
Wagnerët bënë përparimin më të madh në periferitë veriore të Bakhmutit. Duke përparuar përgjatë hekurudhës Bahmut-Chasiv Yar, ata arritën në Bohdanivka dhe Orikhovo-Vasilivka, ku tani po përfitojnë nga pozicionet e reja të ngritura.
Kjo përbën një kërcënim real, si për Bakhmutin, i cili është i rrethuar, ashtu edhe për trupat mercenare që i afrohen Chasiv Jarit nga verilindja.
Për më tepër, forcat e Prigozhinit po përparojnë përgjatë rrugës Bakhmut-Kramatorsk, ku tashmë kanë kapur fshatin e vogël Zaliznjanske, duke arritur gjithashtu në pozicione të ngritura.
Avdiivka
Ushtria ruse nisi një ofensivë në veri dhe jugperëndim të Avdiivka. Deri atëherë, qyteti dhe rrethinat e tij bombardoheshin çdo ditë për javë të tëra.
Burimet nga të dyja palët pranojnë përparim të rëndësishëm nga forcat pushtuese në veri të Avdiivka. Disa burime pohojnë se Krasnohorivka, për shembull, është kapur dhe se trupat ruse tani po lëvizin në perëndim nga ai vend.
Megjithatë, ende nuk ka asnjë provë vizuale se kjo është vërtet kështu. Sipas disa burimeve ruse, ushtria ruse është forcuar vetëm në Krasnohorivka, ndërsa betejat e rënda vazhdojnë me humbje të mëdha për palën ruse.
Forcat ruse definitivisht po pësojnë humbje të mëdha në jugperëndim të Avdiivka. Ofensiva ruse në këtë zonë krijon një krizë për komandën ukrainase.
Avdiivka tani është në gjysmë të rrugës për të përfunduar rrethimin. Nëse ukrainasit duhet të largohen përfundimisht nga qyteti, kjo do të çojë në shembjen e të gjithë frontit në veri të Donetskut.
Mbajtja e qytetit, nga ana tjetër, do të kërkonte mobilizimin e trupave rezervë që ushtria ukrainase shpreson t’i shpëtojë derisa të jetë gati të nisë një kundërofensivë në shkallë të gjerë. Përkundër kësaj, një pjesë e këtyre rezervave tashmë i është drejtuar Bakhmutit, shkruan Meduza.
Rajoni i Zaporizhzhia
Për herë të parë pas një kohe të gjatë, Ukraina po kryen një sulm të madh në rajonin e Zaporizhzhia. Në juglindje të Orihiv, një formacion ukrainas me përmasa të panjohura u përpoq të depërtonte në jug përgjatë rrugës për në Tokmak. Forcat ruse e zmbrapsën këtë sulm dhe forcat ukrainase humbën disa njësi me automjete të blinduara.
Ky mund të ketë qenë një mision zbulimi luftarak ose një manovër përçarëse, që synon të detyrojë Rusinë të përqendrojë më shumë rezervat e saj në këtë segment, duke hapur rrugën për një ofensivë të madhe diku tjetër.
Rusia ka frikë se Ukraina do të tentojë një ofensivë të madhe në verilindje
Sipas inteligjencës ushtarake britanike, që nga fillimi i këtij muaji ka pasur luftime të ashpra në veri të rajonit lindor të Ukrainës, Luhansk.
Betejat po zhvillohen rreth qyteteve Svatov dhe Kreminna, të cilat u kapën nga forcat ruse në fillim të pushtimit, sipas përditësimit të fundit nga Ministria Britanike e Mbrojtjes.
Në fillim të këtij viti, forcat ukrainase iu afruan pikëkalimeve të menjëhershme drejt Kreminës, por trupat ruse që atëherë kanë rifituar pjesërisht kontrollin. Moska po përpiqet kryesisht të mbrojë tokën e saj në verilindje, tha Ministria britanike e Mbrojtjes.
Komandantët rusë kanë frikë se kjo është një nga zonat ku Ukraina mund të tentojë “operacione të mëdha sulmuese”, u tha gjithashtu nga inteligjenca britanike.
Një grabitje e përmasave të mëdha ka tronditur Gjermaninë perëndimore, ku hajdutë të paidentifikuar kanë vjedhur rreth 30 milionë euro nga një degë e bankës Sparkasse në qytetin Gelsenkirchen.
Sipas policisë, autorët përdorën një shpues industrial për të hapur kasafortën nëntokësore, duke e realizuar operacionin në mënyrë tepër profesionale, të krahasueshme me skenarët e filmave të Hollivudit.
Ngjarja dyshohet se ka ndodhur gjatë ditëve të qeta të Krishtlindjeve. Hetimet paraprake tregojnë se grabitësit hynë dhe u larguan nga godina përmes një garazhi parkimi ngjitur me bankën. Ata thyen mbi 3000 kasaforta personale që përmbanin para, ar dhe bizhuteri. Grabitja u kuptua vetëm në orët e para të së hënës, kur u aktivizua një alarm zjarri.
Dëshmitarë okularë kanë raportuar se panë disa persona që transportonin çanta të mëdha gjatë natës, ndërsa kamerat e sigurisë kanë regjistruar një automjet luksoz, Audi RS6 të zi, duke u larguar nga garazhi. Deri tani nuk ka arrestime.
Banka Sparkasse ka njoftuar se 95% e kasafortave janë hapur me forcë dhe ka kërkuar nga klientët të kontaktojnë një linjë të posaçme. Çdo kasafortë është e siguruar deri në vlerën 10300 euro.
Aktori i njohur amerikan George Clooney, bashkëshortja e tij Amal Clooney, avokate e të drejtave të njeriut, si dhe binjakët e tyre Ella dhe Alexander, janë pajisur zyrtarisht me shtetësinë franceze. Vendimi është bërë publik në Journal Officiel, organi zyrtar ku publikohen dekretet e qeverisë franceze.
Familja Clooney jeton kryesisht në një fermë në Brignoles, në jug të Francës, blerë në vitin 2021. Kryebashkiaku i qytetit, Didier Brémond, u shpreh për mediat lokale se zgjedhja e çiftit për t’u bërë shtetas francezë tregon “dashurinë e tyre për Francën”, duke i përshkruar si një familje të thjeshtë dhe të aksesueshme.
Në një intervistë për revistën Esquire, Clooney tregoi se vendimi për t’u zhvendosur në Francë lidhej me shqetësimin për rritjen e fëmijëve në Los Anxhelos dhe ndikimin e kulturës së Hollivudit. Ai theksoi se dëshironte një jetë më normale për ta, larg paparacëve dhe krahasimeve me fëmijë të tjerë të famshëm.
Binjakët e çiftit kanë lindur në Londër në vitin 2017. Amal Clooney, e lindur në Liban dhe e rritur në Britani, është natyralizuar me mbiemrin e saj të vajzërisë, Amal Alamuddin. Ndërsa fëmijët dhe Amal flasin rrjedhshëm frëngjisht, George Clooney pranon me humor se gjuha franceze mbetet ende një sfidë për të.
Një raport i ri i Pentagonit detajon aftësitë raketore bërthamore të Kinës dhe aftësinë e saj për të goditur Shtetet e Bashkuara në rast të një lufte botërore.
Raporti, i cili iu dorëzua Kongresit më 23 dhjetor, thotë se Kina është e aftë të godasë pjesën më të madhe të SHBA-së me raketat DF-31.
Raporti nënvizon:
“Përforcimi historik ushtarak i Kinës e ka bërë kontinentin e SHBA-së gjithnjë e më të prekshëm. Kina mban një arsenal të madh dhe në rritje të armëve bërthamore, detare dhe konvencionale me rreze të gjatë veprimi, si dhe aftësi kibernetike dhe hapësinore, të afta të kërcënojnë drejtpërdrejt sigurinë e amerikanëve”.
Qëllimi përfundimtar i Kinës
Departamenti Amerikan i Luftës pretendon se qëllimi përfundimtar i Kinës është të bëhet një superfuqi globale deri në vitin 2049, e aftë të mbrojë të gjitha interesat e vendit.
Me një ushtri të klasit botëror, Departamenti Amerikan beson se Kina do të kërkojë të pushtojë Tajvanin dhe ta përfshijë atë në Kinë, pasi ajo tashmë e pretendon ishullin si pjesë të shtetit kinez.
Raporti tha gjithashtu se Kina ka të paktën 100 raketa balistike ndërkontinentale (ICBM) DF-31, të cilat janë zhvendosur në vende nëntokësore lëshimi, të njohura si silos. Këto raketa kanë një rreze veprimi prej 11,000 kilometrash, duke mbuluar pjesën më të madhe të Shteteve të Bashkuara.
Këto silura janë vendosur në zona të largëta në Kinën veriore dhe perëndimore: në Hami, Xinjiang, Yumen, Gansu dhe Yulin, Mongolia e Brendshme, pranë kufirit me Mongolinë. Edhe pse Kina vlerësohet të ketë gjithsej 320 silo në këto tre zona, SHBA-të besojnë se vetëm 100 prej tyre janë të pajisura me raketa.
“Trump kërkon paqe”
Duke folur për Daily Mail, një zyrtar i lartë i Departamentit të Luftës tha se Donald Trump dhe administrata e tij po kërkojnë të ulin tensionet dhe në fund të fundit të shmangin çdo konflikt global, siç është një Luftë e Tretë Botërore.
“Presidenti Trump kërkon një paqe të qëndrueshme, tregti të drejtë dhe marrëdhënie të respektueshme reciprokisht me Kinën. Departamenti i Luftës do të mbështesë qëllimin e Presidentit duke hapur një gamë më të gjerë komunikimesh ushtarake me Ushtrinë Çlirimtare Popullore dhe duke kërkuar mënyra të tjera për t’i bërë të qarta qëllimet tona paqësore”, tha ai.
Frika e republikanëve
Megjithatë, disa republikanë kanë paralajmëruar për “kërcënimin” që Kina përbën për SHBA-të në të ardhmen.
Sipas një raporti nga ‘Politico’, përfaqësuesi Nathaniel Moran paralajmëroi se Kina mund të kthehet kundër SHBA-së në sektorin farmaceutik, pasi furnizon rreth 80% të përbërësve aktivë farmaceutikë të përdorur në Shtetet e Bashkuara.
“Brenda natës, Kina mund të mbyllë rubinetin dhe shumë produkte thelbësore farmaceutike, madje edhe gjëra si aspirina, mund të zhduken nga zinxhiri i furnizimit në Shtetet e Bashkuara”, paralajmëroi ai.
Ai iu referua gjithashtu fuqisë ushtarake në rritje të vendit dhe shtoi:
“Ne e dimë se qëllimi afatgjatë i Kinës është në thelb dominimi ekonomik, diplomatik dhe ushtarak në të gjithë botën, dhe ata i shohin Shtetet e Bashkuara si një kundërshtar”.
58000 kilometra në këmbë nga Kili në Britani, historia e pazakontë e ish-ushtarit
Kosova ngre aktakuzë ndaj 21 personave për masakrën e Reçakut
Dy shtetet që e festojnë të parët Vitin e Ri
Grabitje spektakolare në Gjermani, hajdutët vjedhin 30 milionë euro nga një bankë
George dhe Amal Clooney marrin shtetësinë franceze së bashku me fëmijët e tyre
Faqet e para të gazetave në UK
Vonesat e Eurostar hyjnë në ditën e dytë, pasi pasagjerët ngecën në bord gjatë natës.
Brenda “Strofkës së Ujkut “, udhëtim në bunkerin sekret ku Hitleri drejtoi luftën dhe i mbijetoi atentatit
Harta e ndërrimit të viteve, bota feston për 26 orë, nga Kiritimati në Samoa, ja kush hyn i pari në 2026
Miura nuk dorëzohet, në moshën 58 vjeçare gjen një klub të ri në Japoni
Broja jep asist, por Burnley mundet nga Newcastle
Vendimi i qeverisë, zbardhet skema e re e kompensimit, nga 600 deri në 1800 lekë shtesë në muaj, ja kush përfiton
Qeveria nderon legjendat, 13 figura të shquara të artit dhe sportit përfitojnë pension të posaçëm
Jennifer Lopez e lumtur dhe e lirë pas ndarjes nga Ben Affleck: Fokus tek puna dhe fëmijët
Dasmë për 80-vjetorin! Këngëtarja “Cher” do kurorëzohet përsëri, partneri i saj 40 vite më i ri: S’më intereson mosha…
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Rrëzohet aeroplani në Britani, alarm në aeroportin Southend në Londër
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Bashkimi me euron do të kishte mbuluar koston e NHS-së
Këta janë 10 kandidatët më të votuar në Vetëvendosjes
Emigrantët kthehen, por Shqipëria nuk i mban
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Britania marrëveshje me Angolën dhe Namibinë për kthimin e emigrantëve
Fqinji me Shqipërinë sapo shkroi historinë
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania4 days ago
Shqiptari në Britani shpëton nga deportimi pasi “partnerja nuk i flet shqip”
-
UK4 days ago
Rrëzohet aeroplani në Britani, alarm në aeroportin Southend në Londër
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
UK17 hours agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
-
Albania17 hours agoIronia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …