Nëse qeveritë perëndimore vazhdojnë të furnizojnë me armë Kievin, kjo do të çonte në një fitore të Ukrainës, duke shënuar kështu fundin politik të Vladimir Putin. Kryeministri britanik Boris Johnson tashmë ka premtuar 300 milionë dollarë fonde në ndihmë të Ukrainës, ndërsa Presidenti Biden i ka kërkuar Kongresit mbështetje shtesë për të ndihmuar në luftën kundër Rusisë.
Por, çfarë do të ndodhte nëse presidenti rus Vladimir Putin largohet nga pushteti disavjeçar në Rusi? Kësaj pyetje ekspertët e politikës ndërkombëtare i janë përgjigjur me disa skenarë, ku nuk përjashtohet dhe ardhja në krye të Rusisë të terroristëve, të cilët mund të përdornin armët kundër të gjithë botës.
Aludimet për shëndetin e presidentit rus qarkullojnë prej muajsh, ku nuk përjashtohet mundësia se ai mund t’ia delegojë pushtetin një ish-spiuni rus. Besniku i Kremlinit, Nikolai Patrushev, 70 vjeç, është parë si një zëvendësues i mundshëm.
Një shtet i ri rus mund të krijojë marrëdhënie me Iranin, Korenë e Veriut dhe Sirinë potencialisht duke krijuar një aleancë euroaziatike. Më pas, shtetet e Amerikës Latine si Kuba, Nikaragua dhe Venezuela mund të absorbohen në aleancë.
Eksperti gjeopolitik Brandon Weichert paralajmëroi se do të shfaqen mundësi të shumta përfitimi pushteti nëse pasardhësi i Putinit nuk është në gjendje të ruajë kohezionin.
Në vitet 1990, udhëheqësit perëndimorë kishin frikë se armët bërthamore mund të përfundonin në duart e regjimeve autoritare pas rënies së Bashkimit Sovjetik.
Rreth 30,000 armë bërthamore u shpërndanë në katër vende kur Bashkimi Sovjetik u rrëzua. Dhe, të paktën 40,000 ton armë kimike ishin të pranishme, sipas Qendrës së Kontrollit të Armëve.
Eksperti thekson se në rast të rrëzimit të Putin armët bërthamore mund të përfundojnë në duart e grupeve terroriste. Në Rusi, pas largimit të Putinit, udhëheqësit ushtarakë ose të inteligjencës që kanë akses në sistemet e armëve mund të duan të rrisin fuqinë e tyre ose të fitojnë para, gjë që mund të rezultojë fatale për të gjithë globin.
