Albania
Burokracitë e shqiptarëve të Kosovës për shtetësinë shqiptare: Skadim dokumentesh, provim gjuhe, zvarritje …
Fiks Fare denoncoi mbrëmjen e së hënës burokracitë dhe sorollatjet e institucioneve shqiptare për dhënien e shtetësisë për shqiptarët e Kosovës.
Një e re nga Kosova, e cila ka ardhur në Shqipëri prej 15 vitesh, ka bërë shkollën 5 vite, në punë me kontratë prej 10 vitesh, është martuar me një shqiptar dhe ka një fëmijë 3 vjeç. Por, prej disa vitesh është endur në dyert e policisë, ministrisë dhe presidencës për të marrë pasaportën. Gjatë kësaj kohe i kanë kthyer disa herë dokumentet; njëherë punonjësit humbën 1 vërtetim, herën e dytë nga zvarritja skaduan dokumentet, një herë se kërkonin provim të gjuhës shqipe dhe në fund kontrata e qirasë, e bërë para noteri, s’është e ligjshme!
Në redaksinë e emisionit Fiks Fare u ankua z. Klaudjo Jonuzaj, i cili thotë se është martuar me një shqiptare nga Kosova, Sihana Qarkaxhija, e cila prej shumë vitesh kërkon pasaportën shqiptare. “Sihana jeton që prej vitit 2010 në territorin e Republikës së Shqipërisë, ku fillimisht ka bërë studimet 5 vjeçare dhe nga viti 2015 është në punë, me kontratë të rregullt. Madje ka marrë edhe leje qëndrimi. Prej disa vitesh, ne jemi martuar, ku kemi bërë celebrimin dhe të gjitha dokumentet. Pas martese, ne kemi edhe një fëmijë” pohon Klaudjo.
Por, pavarësisht se punon në mënyrë të rregullt prej 10 vitesh, është martuar me një shtetas shqiptar dhe ka një fëmijë po me këtë shtetas, Sihana është sorollatur prej shumë vitesh që të marrë shtetësinë, pasaportën shqiptare. “Sa herë që aplikojmë na nxjerrin mungesë dokumentesh. Njëherë mungon një letër nga emigracioni. E çojmë letrën dhe na kthejnë përgjigje që tani që e sollën, skadoi afati i letrave të para. Certifikata të bashkëshorteve, shqiptare dhe kosovare, gjendja gjyqësore, vërtetimet e lejeve të qëndrimit, kontratë qiraje. Këto kanë afat 6 muaj përdorim” vijon Klaudjo.
Ai shton se, deri tani kanë plotësuar plot 4 herë letrat. “Herën e fundit për kontratën e qirasë, pasi e kemi bërë kontratën te noteri me 1 pronar, kur certifikata e pronësisë ka 3 bashkëpronarë. Ne këtë kontratë e kemi çuar disa herë te policia, Ministria e Brendshme dhe Presidenca. Asnjëherë s’na e kanë kthyer. Me këtë kontratë kemi të gjitha dokumentet, gjendjen civile, lejet e qëndrimit, regjistrimin e fëmijës në kopsht. E kanë pranuar të gjithë” thotë ai.
Më tej shton se, në aplikimin e parë ka qenë kriter edhe një provim i gjuhës dhe historisë së Shqipërisë, edhe për shqiptarët e Kosovës. “Pyesnim ku ta bënim këtë provim, asnjë s’na jepte përgjigje” pohon Klaudjo, teksa shton se deri më tani vetëm burokraci.
Pas ankesës, i riu shkon te Komisariati i Policisë Nr.2 në Tiranë dhe pyet punonjësen që merret me shtetësinë. Ajo i thotë se kështu janë procedurat dhe ata i kanë bërë po i ka kthyer Ministria e Brendshme dhe Drejtoria e Policisë. “Sajojnë lloj-lloj dokumentesh. Tani i kthejnë për gjënë më të vogël” i thotë ajo, teksa i kërkon që tashmë dokumentet t’i plotësojë nga e para se për pak javë skadojnë. Klaudjo shkon edhe në Drejtorinë e Policisë së Tiranës, duke kërkuar oficerin Yzeir Zeqiri, por ai i thotë se “dosja është te Komisariati nr.2, plotësoje”.
Gazetarët e Fiks Fare kontaktojnë oficerin e policisë Yzeir Zeqiri, i cili punon në Drejtorinë e Policisë së Tiranës dhe merret me shtetësisë. Ai pranon se dokumentet i janë kthyer disa herë, teksa shton se tani ka probleme kontrata e qirasë. Fiksi i bën me dije se Klaudjo dhe Sihana kanë aplikuar gjithmonë me këtë kontratë, ndërsa ai thotë se tani duhet të bëjë tjetër dhe t’a sjellë. E pyesim se nëse e sjell të renë, skadojnë dokumentet e vjetra. Na thotë se do t’i shohë dhe t’na kthejë përgjigje.
Oficeri telefonon sërish gazetarët disa minuta më pas dhe thotë se “vetëm të sjellë kontratën e qirasë, pasi dokumentet e tjera kanë datë mesin e dhjetorit”. Por, sa të kalojnë nga Komisariati Nr,2, te Drejtoria e Policisë në Ministrinë e Brendshme dhe më pas në Presidencë, dokumentet do të skadojnë sërish!
***
Denoncuesi interesohet te Komisariati i Policisë Nr.2, Tiranë
Qytetari – Unë jam bashkëshorti i Sihana Qarkaxhija, më ka ardhur një mesazh …
Punonjësja – Që të është kthyer …
Qytetari – Që më është kthyer, po! Shkova te Drejtoria dhe më thanë se e kanë kthyer te 2-shi. Është e disata herë që ma kthejnë.
Punonjësja – Kontrata e qirasë nuk është në përputhje me ligjin. Në certifikatë figurojnë 3 pronarë ndërkohë që kontrata është lidhur vetëm me 1 pronar.
Qytetari – Po më habit sepse kontrata …
Punonjësja – Ajo është kthyer vetëm për kontratën.
Qytetari – Po Yzeiri (oficeri në Drejtorinë e Policisë Tiranë) e ka marrë këtë dosje e ka kthyer 3 herë. Kjo ka qenë në 2022-shin. Ky dokument ka qenë gjithmonë, nuk e di se tani u kujtuan për këtë dokument.
Punonjësja – Ç’a të them, po të them vetëm atë që më thonë!
Qytetari – Noteri e ka bërë, e ka noterizuar edhe ai tjetri që …
Punonjësja – S’ka mundësi, noteri s’mund ta bëjë këtë gjë!
Qytetari – S’e marr vesh si e kanë pranuar edhe këta të Gjendjes Civile, gjithandej e kanë pranuar atë dokument. S’e di tani.
Punonjësja – E ka kthyer ministria!
Qytetari – Na e kanë bërë këtë muhabet shumë problematik. Rinovimin e dokumenteve e kemi bërë tani
Punonjësja – Kanë dokumentet e veta që kërkojnë. Kësaj radhë është kthyer vetëm për këtë arsye.
Qytetari – Këto skadojnë më duket?
Punonjësja – Pikërisht!
Qytetari – Po pra duhen bërë të gjitha nga e para.
Punonjësja – Atëherë, nëntor, dhjetor, janar, shkurt, mars i bie afër.
Qytetari – I kam të gjitha afër, unë e di shumë mirë dhe më kanë vonuar shumë.
Punonjësja – Dhe deri sa të shkojnë në Presidencë i ke të gjitha të skaduara.
Qytetari – E marr vesh! Presidenca nuk toleron më asnjë ditë nëse skadojnë?!
Punonjësja – S’kanë kaluar asnjëherë.
Qytetari – Po pra na këputën me këtë, se po vemë në Kosovë …
Punonjësja – Në qoftë se që në fillim fare …
Qytetari – Më përpara nuk e kishin këtë mesa di unë ë?
Punonjësja – Po s’ka qenë më përpara aplikimi online asnjë gjë. Tani në qoftë se janë në fillim të sakta, të sakta, të sakta ato shkojnë shpejt. Në qoftë se janë mungesë dokumentacioni, shkojnë në drejtori të shikohen, pastaj në ministri, ministria i kthen në drejtori. Drejtoria i kthen prapë te ne, procedurat zgjasin dhe ato (dokumentet) skadojnë.
Qytetari – E marr vesh, unë jam i rrahur me këtë punë tani dhe gjithmonë mi vonojnë. Inshallah po zgjidhet se kjo kontrata ne e kemi bërë gjithandej dhe ss.
Punonjësja – Ja të thotë ai ok, do ta çosh në ministri ti do ta kthejë ministria nëse s’është ok. Ose nëse s’e kap ministria, do ta kthejë Presidenca. Presidenca merret edhe me gjërat më minimale edhe me një gabim shkronje dhe ta kthen dosjen mbrapsht.
Qytetari – Tani muhabeti është këtu ça garancie kam unë që ata kapin çdo lloj gjëje, a ia vlen apo ta lë fare këtë muhabet?!
Punonjësja – Tani unë s’po them se s’ia vlen, se ka shumë shtetas që duan shtetësinë.
Qytetari – A po merren shtetase se po më duket se s’po merren?
Punonjësja – Po merren, po merren.
Qytetari – Kanë ndryshuar njeri atje në Ministrinë e Brendshme që e kanë kthyer këtë radhë, se më përpara s’e kanë kthyer pasi ka vajtur deri në Presidencë ky dokument (kontrata e qirasë) dhe s’e kanë kapur për këtë gjë?
Punonjësja – Nuk e kam idenë.
***
Qytetari interesohet në Drejtorinë e Policisë Tiranë!
Qytetari – Ndoshta është Yzeiri se kisha për t’i bërë një pyetje, ai specialisti.
Punonjësi – Ia ke numrin?
Qytetari – Po ia kam numrin.
(Telefonon oficerin e shtetësisë)
Qytetari – Alo si kalon? Jam Klaudjo, bashkëshorti i Sihanës kemi folur. Doja të merrja pak një mendim nga ty në qoftë se duhen bërë të gjitha nga e para. E kishin kthyer për atë kontratën e qirasë po …
Oficeri – Te 2-shi (Komisariati) e ke dosjen. Këto dokumente janë të pavlefshme.
Qytetari – Duhet të bëj procedurë nga e para, po!
***
Bisedë mes gazetarëve të Fiks Fare dhe z. Yzeir ZEQIRI, Oficer në Drejtorinë e Policisë Tiranë
Gazetari – Kemi një rast, zonja Sihana Qarkaxhija.
Oficeri – Po, po.
Gazetari – Ka aplikuar disa herë. Disa herë i është kthyer, mungesë dokumentacioni. Ka kaluar nga Komisariati Nr.2, në Drejtorinë e Policisë, në Ministrinë e Brendshme. Dhe prej 3 vitesh, zonja në fjalë megjithëse është në punë prej shumë vitesh në Shqipëri, është e martuar, ka fëmijë, dhe nuk po merr dot shtetësinë!
Oficeri – A mund të bëni një kërkesë me shkrim dhe t’ju sqarojmë.
Gazetari – Ti je dhe oficeri i policisë që merresh me të tilla raste. Një zonjë që ka të tria kriteret dhe vetëm sorollatet?!
Oficeri – Dakord, dakord. Dokumentet e zonjës kanë vajtur në ministri nga ministria më duket, më duket, domethënë janë kthyer për një problem. Sihana Qarkaxhija më thatë apo jo?
Gazetari – Po, Sihana Qarkaxhija.
Oficeri – Po ja 1 minutë. Dokumentacioni i kësaj zonje është kthyer me motivacionin kontrata e qirasë nuk është në përputhje me përcaktimet e parashikuara në ligjin “për shtetësinë”. Domethënë ky është motivi që është kthyer. Dokumentacioni është kthyer në 03.03.2025 në Komisariatin e Policinë Nr.2.
Gazetari – Dhe çfarë duhet të bëjë zonja tani, duhet të ri plotësojë të gjitha dokumentet?
Oficeri – Jo zonja duhet të … të … domethënë të plotësojë këtë kriterin e qirasë. Certifikata e pronësisë së banesës ku zonja është me qira është me 3 pronarë. Ndërkohë kontrata është e lidhur me njërin prej tyre.
Gazetari – Si ka mundësi që zonja në fjalë, me atë kontratë ka marrë leje qendrimi prej 5-6 vitesh, me të njëjtën kontratë. Është martuar me atë kontratë!
Oficeri – Zoti Sokol, atëherë ligji për “lejet e qëndrimit” është tjetër kurse ligji “për shtetësitë” është tjetër!
Gazetari – Është hera e parë që kthehet apo është hera e disatë? Se herën e parë nuk u kthye për këtë kriter u kthye për një kriter të …
Oficeri – Po prandaj të thashë se unë nuk mund të mbaj mend domethënë këtë problem. Prandaj thashë bëni një kërkesë.
Pas disa minutash …
Oficeri – Lidhur me atë aplikim duhet të plotësojë vetëm kriterin e kontratës së qirasë. Dokumentacioni është brenda afateve ligjore, sepse është i dhjetorit 2024.
Gazetari – Afatet janë vetëm 6 mujor mesa di.
Oficeri – 6 mujor po i ka në rregull, se i ka 13.12.2024.
Gazetari – Po pse nuk i është thënë herët e kaluara që ka këtë mangësi?!
Oficeri – Tani është konstatuar!
Gazetari – Po bën 3 vite z. Yzeir, 3 vite!
Oficeri – Po herën tjetër nuk është kthyer për këto domethënë, prandaj …
Kryeministri Edi Rama, në konferencën e fundvitit me gazetarët, tha se në 3 mandatet e Partisë Socialiste, 37 raste i përkasin hetimeve për korrupsion apo shpërdorim detyre. Këtë të fundit, Rama e cilësoi një “nocion i cili duhet të rishikohet”.
Sipas tij, SPAK “ka dhënë dënime skandaloze”, ndërsa shtoi si një problem të madh publikimin në media të dosjeve hetimore dhe shtoi se “mesazhet nuk përbëjnë prova dhe nuk mund të jenë arsyeja parësore për të nisur gjyqe”.
“Jo çdokush që hetohet dhe akuzohet nga SPAK ka bërë korrupsion. Shpërdorimi i detyrës është një vepër që iu kthye dhe vetë BE-së, sepse është një term që futet një thes i madh. Sidomos kur jeton në një periudhë kur të gjitha llojet e tenxhereve hidhen përpjetë me gjithë kapakë për burg. BE iu rikthye nocionit me kërkesë të Gjermanisë dhe të Italisë. Ka dalë një direktivë e re për ta riparë këtë nocion, për ta specifikuar. Kushtetuta thotë që janë 3 pushtete të pavarura nga njëri-tjetri. Është pavarësia për të marrë vendime. Te vendimet nuk vjen dot një prokuror të thotë pse e vendose kështu dhe e vendose ashtu. Dhe kjo gjë ka ndodhur. Nëse vendimi im është një vendim që ka një prapavijë të qëllimshme për të përfituar në mënyrë të paligjshme apo për të sjellë një dëm, këtu unë nuk jam i pavarur, këtu vjen drejtësia tek unë”, tha Rama.
“Qysh nga fillimi i këtij kapitulli të SPAK, janë 37 raste. E dini ju sa raste nga këto 37 që përfshijnë funksionarë të niveleve të ndryshme, i përkasin viteve të mandatit të parë e të mandatit të dytë? Janë rreth 80%. Ndërkohë që vetëm një pjesë e vogël e tyre janë raste që lidhen me periudhën më vonë. Në rastet që po flasim kemi nga të gjitha, kemi dënim për prerje pylli për një kryetar bashkie. Është një dënim skandaloz, kryetari i Bashkisë së Fushë-Arrëzit ka hapur një rrugë për komunitetin ku janë prerë disa pemë. Ka bërë burg për prerje pemësh. Rasti është për turp. Ka dhe raste të tjera qe nuk kanë lidhje me korrupsion që hyjnë tek këto raste. Ka dhe raste të tjera që lidhen me pabarazinë në tendera. Kjo është një vepër tjetër, nuk është korrupsion”, shtoi Rama.
“Çfarë do të thotë mesazhe, që kur mesazhet janë prova? Dhe që kur mesazhet janë ushqim për mediat? Dhe që kur mbi bazë mesazhesh bëhen gjyqe si në kohën e gjuetive të shtrigave? Patjetër që mesazhet dhe çdo gjë tjetër janë pjesë e një procesi, por parafytyroni vetëm kaq: çfarë ndodh dhe sa përgjegjës ka secili nga pjesëmarrësit në këto gjyqet e shtrigave kur dikush të dalë i pafajshëm? Për çfarë i duhet më pafajësia atij njeriu kur i është shkatërruar tërësisht jeta dhe familja? Kush ia kthen atij njeriu pas jetën? Prandaj drejtësia demokratike ka vendosur kufij, nuk lejohen shumë nga këto gjëra që ndodhin këtu. Nuk fajësoj mediat, por ata që i ushqejnë me këtë helm. Deri tani kemi një numër të dënuarish shumë të ulët në raport me rastet. Kemi çështje të zvarritura dhe Strasburgu ka evidentuar gjëra të rënda”, shtoi kryeministri.
Albania
“Kemi raketa Javelin dhe tre anije patrulluese”, Rama: Kemi sot ushtrinë më të mirëpaguar, ia kalojmë edhe Serbisë
Gjatë konferencës vjetore me gazetarët, kryeministri Edi Rama foli edhe për ushtrinë dhe sistemin mbrojtës.
Ai u shpreh se vendi ynë ka raketa Javelin dhe tre anije patrulluese.
Ndër të tjera kreu i qeverisë deklaroi se Shqipëria ka sot ushtrinë më të mirëpaguar në rajon, duke ia kaluar kështu edhe Serbisë.
“Kemi ushtrinë më të mirëpaguar në rajon, përfshi edhe Serbinë. Ambicia jonë është që ushtria jonë të arrijë në mesataren e vendeve të NATO-s sa I përket anës financiare. Ky vit na gjen me një sistem raketor Javelin, na gjen me tre anije patrulluese që I kemi dhuratë nga Italia, na gjen me radarë falë bashkëpunimit me Francën. Ajo që mbetet ambicia kryesore është Shqipëria një vend prodhues i industrisë ushtarake.
Do prodhojmë dronët luftarakë dhe sistemet antidron. Në 2026 do të shihni edhe produktet e para. Ne vazhdojmë punën për të bërë kontrata të tjera për industrinë detare dhe ajrore”, u shpreh kryeministri Rama.
Nga Victor Manuel Sanchez Valdes, NORO ESTE
Njoftimi i Departamentit të Thesarit të Shteteve të Bashkuara për vendosjen e sanksioneve ndaj familjes Hysa, e cila është me shtetësi meksikane, por me origjinë shqiptare – për akuzën e pastrimit të parave në favor të fraksionit “Mayiza” të Kartelit të Sinaloas, i shtohet një liste të gjatë lajmesh që lidhin kartelet meksikanë me klane kriminale me origjinë shqiptare dhe ngre pyetjen: pse është bërë kaq e zakonshme lidhja mes organizatave të krimit të organizuar të Meksikës dhe Shqipërisë?
Në Meksikë dihet pak për mafien shqiptare, por ajo është shumë e rëndësishme në nivel ndërkombëtar, pasi, së bashku me ’Ndrangheta-n italiane, përbëjnë dy mafiet që kontrollojnë trafikun e drogës në Evropë dhe, për rrjedhojë, janë ndër aleatët kryesorë ndërkombëtarë të Kartelit të Sinaloas dhe Kartelit Jalisco Nueva Generación (CJNG). Përveç Evropës, ajo ka prani edhe në Shtetet e Bashkuara, Kanada dhe Australi, përmes emigrantëve me origjinë shqiptare të vendosur në këto vende.
Në fund të viteve ’80, si mafia shqiptare, ashtu edhe ’Ndrangheta ishin relativisht të vogla krahasuar me organizata të tjera kriminale, por nga vitet ’90 nisën të rriten falë dy faktorëve kryesorë. I pari ishte dobësimi i mafieve me ndikim të madh për shkak të ndjekjes penale nga qeveritë evropiane, si mafia siciliane (Cosa Nostra), Camorra napolitane, mafia ruse, mafia galiciane apo Union Corse. Në të gjitha këto raste, autoritetet gjetën anëtarë të gatshëm të spiunonin bashkëpunëtorët e tyre, gjë që lejoi ndjekjen penale të shumë udhëheqësve dhe i bëri këto grupe partnerë më pak të besueshme për kartelet meksikanë apo kolumbianë.
Ndërsa “spiunët” dobësonin këto mafie, kartelet meksikanë dhe kolumbianë gjetën te mafia shqiptare dhe ’Ndrangheta aleatët e duhur, pasi në të dy rastet bëhet fjalë për grupe kriminale të përbëra vetëm nga persona me lidhje të drejtpërdrejta familjare – prindër, fëmijë, vëllezër, motra, xhaxhallarë e nipër – çka ul ndjeshëm rrezikun e tradhtisë, pasi lidhja e gjakut është vendimtare.
Faktori i dytë është se, në një kohë të shkurtër, falë diasporës së emigrantëve nga Shqipëria dhe Kalabria (rajon në jug të Italisë, prej nga e ka origjinën ’Ndrangheta dhe që karakterizohet nga të ardhura më të ulëta se pjesa tjetër e vendit), ata arritën të vendosin prani pothuajse në të gjitha vendet e Evropës, veçanërisht në porte, qendra të mëdha financiare, kryeqytete me popullsi të madhe dhe zona me rritje të shpejtë ekonomike.
Për shembull, mafia shqiptare ka prani në qytete shumë të rëndësishme si Londra, Berlini, Parisi, Stokholmi, Stambolli, Nju Jorku, Sidnej, Toronto, Madridi apo Roma, si dhe në porte me trafik të lartë tregtar në Evropë, si Hamburgu në Gjermani, Algeciras dhe Valencia në Spanjë, Antverpeni në Belgjikë dhe Roterdami në Holandë.
Duke qenë se portet janë pika kryesore e hyrjes së drogave si kokaina dhe fentanili në Evropë, dhe mafia shqiptare është ajo që është më e infiltruar në këto pika, ajo bëhet një aleate kyçe për organizata si Karteli i Sinaloas apo CJNG.
Por përveç këtyre dy arsyeve, ekziston edhe një e tretë që e dallon mafien shqiptare: përveç rolit kyç në trafikun e drogës, ajo u ofron organizatave meksikane edhe qasje në një rrjet shumë të gjerë pastrimi parash në Evropë dhe në pjesë të tjera të botës, si Kina.
Shqiptarët investojnë në projekte imobiliare luksoze në të gjithë Evropën; janë pronarë kazinosh, hotelesh, qendrash turistike, spa-sh dhe restorantesh, por gjithashtu kanë krijuar aleanca me kinezë dhe turq për interesa në biznese të vogla me produkte të lira dhe pirateri në qytete të ndryshme.
Po ashtu, janë identifikuar operacione të tyre në qendrat kryesore financiare të Evropës, si Cyrihu, Gjeneva, Frankfurti apo Londra, si dhe blerje kriptomonedhash, përdorimi i platformave të lojërave elektronike apo mashtrime masive përmes mjeteve digjitale.
Në përmbledhje, mafia shqiptare është bërë një partnere shumë e vlefshme për kartelet meksikanë sepse është një nga blerëset më të mëdha të drogës, ka një rrjet të gjerë shpërndarjeje në Evropë dhe vende të tjera, ofron shërbime tepër të rëndësishme si pastrimi i parave dhe madje mund të sigurojë edhe armë të rënda.
Kjo bën të mundur që i njëjti klan shqiptar të ketë marrëdhënie biznesi me kartele armike mes tyre, si Karteli i Sinaloas dhe CJNG, sepse kostoja e prishjes së marrëdhënies është më e lartë sesa tolerimi i mungesës së ekskluzivitetit.
Gjithashtu, është e rëndësishme të theksohet se, ndryshe nga Karteli i Sinaloas apo CJNG, mafia shqiptare nuk është një organizatë e vetme, por shumë të pavarura: çdo klan familjar funksionon si një bandë më vete, me portofolin e vet të bizneseve. Ndryshe nga organizatat kriminale meksikane, të cilat shpesh përplasen dhe konkurrojnë dhunshëm, shqiptarët rrallë përfshihen në konflikte të dhunshme dhe shumicën e kohës bashkëpunojnë mes tyre dhe ndajnë fitimet.
Për këtë arsye nuk është aspak çudi që familja Hysa, e vendosur në Meksikë, dhe që qeveria amerikane e lidh me fraksionin Mayiza, të shërbejë si urë lidhëse me klanet e mëdha evropiane dhe që, përveç pastrimit të parave përmes kazinove, të ofrojë qasje në një katalog shumë të gjerë investimesh në Evropë, gjë që është jashtëzakonisht e vështirë për t’u zbuluar nga autoritetet meksikane. Pikërisht për këtë arsye, prej vitesh marrëdhënia mes organizatave shqiptare dhe atyre meksikane është intensifikuar.
Ndryshim i rregullit të pozicionit jashtë loje, FIFA do që të favorizohen sulmuesit
Tragjedi në Prizren, humb jetën një fëmijë njëvjeçar si pasojë e zjarrit
Futboll mes “acarit”, lojtarët pijnë çaj në fushë
“Që kur mesazhet janë prova?”, Rama: “Shpërdorimi i detyrës” do të rishikohet
Beyoncé shpallet miliardere nga Forbes
“Kemi raketa Javelin dhe tre anije patrulluese”, Rama: Kemi sot ushtrinë më të mirëpaguar, ia kalojmë edhe Serbisë
Britania marrëveshje me Angolën dhe Namibinë për kthimin e emigrantëve
Britania e Madhe refuzon të njohë Somalilandin si shtet të pavarur
Zelensky mohon sulmin me dron ndaj rezidencës së Putinit
Ish-sulmuesi i Anglisë dhe Liverpoolit akuzohet për ‘ngacmim’, pas arrestimit të tij në prill
Shqipëria në histori! Nga fitorja në Serbi te shanset me Poloninë për Botërorin, 2025 në shifra e fakte
Si u krijua aleanca mes mafies shqiptare dhe karteleve të drogës në Meksikë
“Tageszeitung” e Berlinit: “Shumë njerëz në mbarë Evropën Juglindore dëshirojnë personalitete si Kurti si politikanë në vendet e tyre”
Bashkimi me euron do të kishte mbuluar koston e NHS-së
Faqet e para të Gazetave në UK
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Këta janë 10 kandidatët më të votuar në Vetëvendosjes
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Emigrantët kthehen, por Shqipëria nuk i mban
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Anomalia e buxhetit, 2 miliardë euro shpenzime në dhjetor
Brigitte Bardot: Bjondia seksi që revolucionarizoi kinemanë franceze
Bashkimi me euron do të kishte mbuluar koston e NHS-së
-
UK1 day agoFOTO/ Nëna me dy fëmijët humbën jetën në një zjarr tragjik në Angli
-
Albania1 day agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania3 days ago
Shqiptari në Britani shpëton nga deportimi pasi “partnerja nuk i flet shqip”
-
Sports1 day agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK3 days ago
Rrëzohet aeroplani në Britani, alarm në aeroportin Southend në Londër
-
Albania1 day agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Kosova22 hours agoKëta janë 10 kandidatët më të votuar në Vetëvendosjes
-
Albania2 days ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë