Bota
Donald Trump kërcënon BBC-në me padi për dokumentarin mbi 6 Janarin
Donald Trump i ka dërguar një letër BBC-së duke e kërcënuar me veprime ligjore, në një moment krize të thelluar për transmetuesin publik britanik lidhur me mënyrën se si është mbuluar administrata e tij.
Lëvizja, e raportuar fillimisht nga vetë BBC News të hënën në mesditë, vjen një ditë pas dorëheqjes së drejtorit të përgjithshëm dhe të ekzekutives më të lartë të lajmeve të korporatës. Të dy u vunë nën akuzë për mënyrën se si BBC kishte trajtuar deklaratat e presidentit amerikan më 6 janar 2021, ditën kur turma e mbështetësve të tij sulmoi Kongresin amerikan.
Një zëdhënës i BBC-së tha të hënën: “Do ta shqyrtojmë letrën dhe do t’i përgjigjemi drejtpërdrejt në kohën e duhur.” Detajet e plota të letrës ligjore nuk janë bërë ende publike.
Drejtori i Përgjithshëm Tim Davie dhe shefja e lajmeve Deborah Turness njoftuan dorëheqjet e tyre të dielën në mbrëmje, pas një jave të mbushur me kritika të ashpra mbi paanshmërinë politike të transmetuesit dhe pas një serie sulmesh të drejtpërdrejta nga figura të krahut të djathtë britanik, si dhe nga ekipi i vetë Trump-it.
Trump dhe zëdhënësja e tij për shtyp, Karoline Leavitt, e cila akuzoi BBC-në se po përhapte “fake news”, i kanë përshëndetur dorëheqjet në rrjete sociale, me Trump-in që shkroi të dielën në mbrëmje se të dy zyrtarët ishin “njerëz shumë të pandershëm që u përpoqën të ndikojnë në një zgjedhje presidenciale.”
Javën e kaluar, gazeta konservatore The Telegraph publikoi një memo të ish-këshilltarit të standardeve në BBC, Michael Prescott, ku renditeshin një sërë dështimesh të pretenduara në përmbajtjen e transmetuesit. Ato përfshinin mënyrën e mbulimit të çështjeve të komunitetit transgjinor, luftës në Gaza dhe presidencës së Trump-it.
Pretendimi më i rëndë ishte se pamjet në emisionin Panorama ishin redaktuar në mënyrë selektive për të krijuar përshtypjen se presidenti amerikan u kishte thënë mbështetësve të tij në janar 2021: “Do të ecim drejt Kapitolit dhe unë do të jem me ju, dhe do të luftojmë. Luftojmë si të çmendur.”
Në fakt, fjalët ishin montuar nga pjesë të ndryshme të fjalimit, gati një orë larg njëra-tjetrës, dhe ishin lënë jashtë segmentet ku Trump kishte thënë se donte që mbështetësit e tij “të shprehnin zërin e tyre në mënyrë paqësore dhe patriotike.”
Transmetuesi publik britanik është i detyruar nga statuti i tij të mos “favorizojë asnjërën anë ndaj tjetrës”, dhe nuk është hera e parë që përballet me akuza për mungesë paanshmërie nga palë të ndryshme politike në Britani.
Por përshkallëzimi i fundit i sulmeve nga e djathta vjen në një moment delikat, ndërsa qeveria britanike po përgatitet të shqyrtojë modelin e financimit të BBC-së.
Në deklaratën e dorëheqjes, Davie pranoi se “janë bërë disa gabime dhe, si Drejtor i Përgjithshëm, më takon mua përgjegjësia përfundimtare.”
Të hënën, kryetari i BBC-së, Samir Shah, i kërkoi publikisht ndjesë administratës Trump për mbulimin e ngjarjes.
Megjithatë, në një letër dërguar Komisionit të Kulturës, Medias dhe Sportit në Dhomën e Komunave, ai hodhi poshtë si “thjesht të pavërtetë” pretendimin se ish-këshilltari i standardeve Prescott kishte zbuluar probleme që BBC ishte përpjekur t’i “fshihte.”
Shah sqaroi se dokumentari për Trump ishte diskutuar disa herë nga Komiteti i Udhëzimeve Redaksionale dhe Standardit të BBC-së, dhe se valët e ankesave të marra javët e fundit kishin çuar në “reflektim të mëtejshëm.”
“Përfundimi i atij diskutimi është se pranojmë që mënyra si u redaktua fjalimi krijoi përshtypjen e një thirrjeje të drejtpërdrejtë për dhunë,” shkroi Shah në letër. “BBC kërkon ndjesë për atë gabim në vlerësim.”
I pyetur në një intervistë për BBC nëse presidenti amerikan, i cili ka kërcënuar me padi edhe media të tjera në SHBA po padit transmetuesin, Shah tha: “Nuk e di ende këtë. Por ai është një njeri që padit shpesh. Duhet të jemi të përgatitur për çdo rezultat.”/Politico.eu
Një grabitje e përmasave të mëdha ka tronditur Gjermaninë perëndimore, ku hajdutë të paidentifikuar kanë vjedhur rreth 30 milionë euro nga një degë e bankës Sparkasse në qytetin Gelsenkirchen.
Sipas policisë, autorët përdorën një shpues industrial për të hapur kasafortën nëntokësore, duke e realizuar operacionin në mënyrë tepër profesionale, të krahasueshme me skenarët e filmave të Hollivudit.
Ngjarja dyshohet se ka ndodhur gjatë ditëve të qeta të Krishtlindjeve. Hetimet paraprake tregojnë se grabitësit hynë dhe u larguan nga godina përmes një garazhi parkimi ngjitur me bankën. Ata thyen mbi 3000 kasaforta personale që përmbanin para, ar dhe bizhuteri. Grabitja u kuptua vetëm në orët e para të së hënës, kur u aktivizua një alarm zjarri.
Dëshmitarë okularë kanë raportuar se panë disa persona që transportonin çanta të mëdha gjatë natës, ndërsa kamerat e sigurisë kanë regjistruar një automjet luksoz, Audi RS6 të zi, duke u larguar nga garazhi. Deri tani nuk ka arrestime.
Banka Sparkasse ka njoftuar se 95% e kasafortave janë hapur me forcë dhe ka kërkuar nga klientët të kontaktojnë një linjë të posaçme. Çdo kasafortë është e siguruar deri në vlerën 10300 euro.
Aktori i njohur amerikan George Clooney, bashkëshortja e tij Amal Clooney, avokate e të drejtave të njeriut, si dhe binjakët e tyre Ella dhe Alexander, janë pajisur zyrtarisht me shtetësinë franceze. Vendimi është bërë publik në Journal Officiel, organi zyrtar ku publikohen dekretet e qeverisë franceze.
Familja Clooney jeton kryesisht në një fermë në Brignoles, në jug të Francës, blerë në vitin 2021. Kryebashkiaku i qytetit, Didier Brémond, u shpreh për mediat lokale se zgjedhja e çiftit për t’u bërë shtetas francezë tregon “dashurinë e tyre për Francën”, duke i përshkruar si një familje të thjeshtë dhe të aksesueshme.
Në një intervistë për revistën Esquire, Clooney tregoi se vendimi për t’u zhvendosur në Francë lidhej me shqetësimin për rritjen e fëmijëve në Los Anxhelos dhe ndikimin e kulturës së Hollivudit. Ai theksoi se dëshironte një jetë më normale për ta, larg paparacëve dhe krahasimeve me fëmijë të tjerë të famshëm.
Binjakët e çiftit kanë lindur në Londër në vitin 2017. Amal Clooney, e lindur në Liban dhe e rritur në Britani, është natyralizuar me mbiemrin e saj të vajzërisë, Amal Alamuddin. Ndërsa fëmijët dhe Amal flasin rrjedhshëm frëngjisht, George Clooney pranon me humor se gjuha franceze mbetet ende një sfidë për të.
Një raport i ri i Pentagonit detajon aftësitë raketore bërthamore të Kinës dhe aftësinë e saj për të goditur Shtetet e Bashkuara në rast të një lufte botërore.
Raporti, i cili iu dorëzua Kongresit më 23 dhjetor, thotë se Kina është e aftë të godasë pjesën më të madhe të SHBA-së me raketat DF-31.
Raporti nënvizon:
“Përforcimi historik ushtarak i Kinës e ka bërë kontinentin e SHBA-së gjithnjë e më të prekshëm. Kina mban një arsenal të madh dhe në rritje të armëve bërthamore, detare dhe konvencionale me rreze të gjatë veprimi, si dhe aftësi kibernetike dhe hapësinore, të afta të kërcënojnë drejtpërdrejt sigurinë e amerikanëve”.
Qëllimi përfundimtar i Kinës
Departamenti Amerikan i Luftës pretendon se qëllimi përfundimtar i Kinës është të bëhet një superfuqi globale deri në vitin 2049, e aftë të mbrojë të gjitha interesat e vendit.
Me një ushtri të klasit botëror, Departamenti Amerikan beson se Kina do të kërkojë të pushtojë Tajvanin dhe ta përfshijë atë në Kinë, pasi ajo tashmë e pretendon ishullin si pjesë të shtetit kinez.
Raporti tha gjithashtu se Kina ka të paktën 100 raketa balistike ndërkontinentale (ICBM) DF-31, të cilat janë zhvendosur në vende nëntokësore lëshimi, të njohura si silos. Këto raketa kanë një rreze veprimi prej 11,000 kilometrash, duke mbuluar pjesën më të madhe të Shteteve të Bashkuara.
Këto silura janë vendosur në zona të largëta në Kinën veriore dhe perëndimore: në Hami, Xinjiang, Yumen, Gansu dhe Yulin, Mongolia e Brendshme, pranë kufirit me Mongolinë. Edhe pse Kina vlerësohet të ketë gjithsej 320 silo në këto tre zona, SHBA-të besojnë se vetëm 100 prej tyre janë të pajisura me raketa.
“Trump kërkon paqe”
Duke folur për Daily Mail, një zyrtar i lartë i Departamentit të Luftës tha se Donald Trump dhe administrata e tij po kërkojnë të ulin tensionet dhe në fund të fundit të shmangin çdo konflikt global, siç është një Luftë e Tretë Botërore.
“Presidenti Trump kërkon një paqe të qëndrueshme, tregti të drejtë dhe marrëdhënie të respektueshme reciprokisht me Kinën. Departamenti i Luftës do të mbështesë qëllimin e Presidentit duke hapur një gamë më të gjerë komunikimesh ushtarake me Ushtrinë Çlirimtare Popullore dhe duke kërkuar mënyra të tjera për t’i bërë të qarta qëllimet tona paqësore”, tha ai.
Frika e republikanëve
Megjithatë, disa republikanë kanë paralajmëruar për “kërcënimin” që Kina përbën për SHBA-të në të ardhmen.
Sipas një raporti nga ‘Politico’, përfaqësuesi Nathaniel Moran paralajmëroi se Kina mund të kthehet kundër SHBA-së në sektorin farmaceutik, pasi furnizon rreth 80% të përbërësve aktivë farmaceutikë të përdorur në Shtetet e Bashkuara.
“Brenda natës, Kina mund të mbyllë rubinetin dhe shumë produkte thelbësore farmaceutike, madje edhe gjëra si aspirina, mund të zhduken nga zinxhiri i furnizimit në Shtetet e Bashkuara”, paralajmëroi ai.
Ai iu referua gjithashtu fuqisë ushtarake në rritje të vendit dhe shtoi:
“Ne e dimë se qëllimi afatgjatë i Kinës është në thelb dominimi ekonomik, diplomatik dhe ushtarak në të gjithë botën, dhe ata i shohin Shtetet e Bashkuara si një kundërshtar”.
58000 kilometra në këmbë nga Kili në Britani, historia e pazakontë e ish-ushtarit
Kosova ngre aktakuzë ndaj 21 personave për masakrën e Reçakut
Dy shtetet që e festojnë të parët Vitin e Ri
Grabitje spektakolare në Gjermani, hajdutët vjedhin 30 milionë euro nga një bankë
George dhe Amal Clooney marrin shtetësinë franceze së bashku me fëmijët e tyre
Faqet e para të gazetave në UK
Vonesat e Eurostar hyjnë në ditën e dytë, pasi pasagjerët ngecën në bord gjatë natës.
Brenda “Strofkës së Ujkut “, udhëtim në bunkerin sekret ku Hitleri drejtoi luftën dhe i mbijetoi atentatit
Harta e ndërrimit të viteve, bota feston për 26 orë, nga Kiritimati në Samoa, ja kush hyn i pari në 2026
Miura nuk dorëzohet, në moshën 58 vjeçare gjen një klub të ri në Japoni
Broja jep asist, por Burnley mundet nga Newcastle
Vendimi i qeverisë, zbardhet skema e re e kompensimit, nga 600 deri në 1800 lekë shtesë në muaj, ja kush përfiton
Qeveria nderon legjendat, 13 figura të shquara të artit dhe sportit përfitojnë pension të posaçëm
Jennifer Lopez e lumtur dhe e lirë pas ndarjes nga Ben Affleck: Fokus tek puna dhe fëmijët
Dasmë për 80-vjetorin! Këngëtarja “Cher” do kurorëzohet përsëri, partneri i saj 40 vite më i ri: S’më intereson mosha…
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Rrëzohet aeroplani në Britani, alarm në aeroportin Southend në Londër
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Bashkimi me euron do të kishte mbuluar koston e NHS-së
Këta janë 10 kandidatët më të votuar në Vetëvendosjes
Emigrantët kthehen, por Shqipëria nuk i mban
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Britania marrëveshje me Angolën dhe Namibinë për kthimin e emigrantëve
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Fqinji me Shqipërinë sapo shkroi historinë
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania4 days ago
Shqiptari në Britani shpëton nga deportimi pasi “partnerja nuk i flet shqip”
-
UK4 days ago
Rrëzohet aeroplani në Britani, alarm në aeroportin Southend në Londër
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
UK18 hours agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
-
Albania19 hours agoIronia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …