Albania
“Kemi gati draft propozimin ligjor për votën e emigrantëve”, Adriatik Lapaj takim me shqiptarët në Britani: Vendimi i Kushtetueses, detyrim
Lëvizja “Shqipëria Bëhet” ka zhvilluar një bashkëbisedim në Londër, Britani me komunitetin shqiptar.
Pjesëmarrës në këtë bashkëbisedim ishin Adriatik Lapaj, Edlira Çepani, Florjan Binaj dhe Arjan Konomi.
Gjatë fjalës së tij, Lapaj u shpreh se është gati draft propozimi ligjor për votën e emigrantëve, ndërsa shtoi se vendimi i Kushtetueses është detyrim.
Fjala e Adriatik Lapaj:
Është shumë e thjeshtë, ka dy mënyra.
1) Ne do hapim pikën tonë këtu të Lëvizjes, strukturën tonë, si në çdo qytet tjetër. Dhe kjo strukturë do zgjerohet në vijimësi me kontakte.
2)Ndërsa në makro, në Shqipëri ka dy rrugë: Gjykata Kushtetuese ka përcaktuar në vendimin e saj që Parlamenti brenda këtij viti duhet të përmbushë detyrimin që ju të votoni.
Ne sapo të kthehemi në Tiranë këtë javë, kemi gati draft propozimin ligjor, për votën e emigrantëve, për ndryshime në kodin zgjedhor. Do e hedhim këtë javë.
Nëse nuk ka reflektim, ne do mbledhim 20 mijë firma në Shqipëri, për votën e Diasporës, për ta çuar si iniciativë ligjore dhe ta detyrojmë parlamenti të shprehet. Nëse as kjo nuk funksionon, ka një rrugë finale.
Rruga finale është: ‘Të flisni në telefon me këdo në Shqipëri, e t’i bindni që është koha për të ndryshuar. Dhe nga ana tjetër, vet kur të vijë koha, masivisht, nëpërmjet një eksodi të madh nga Anglia në Shqipëri, të vini të shkundni votën e t’i ndëshkoni nëpërmjet votës.
Këtë rrugë do e udhëheqin qytetarët, dhe masiviteti juaj na përcakton çdo hap.
Ne e kemi ndarë mendjen për ta çuar deri në fund.’
Fjala e Edlira Çepani:
‘Çfarë zëri kemi ne kur nuk kemi votë? Ju për të votuar duhet të merrni avionin e të shkoni ditën e votimeve në Shqipëri, apo jo?
Edhe patjetër që atë e bëni, por ju meritoni më shumë. Meritoni që si gjithë vendet e tjera të Europës, edhe si gjithë shqiptarët e Kosovës, që janë pjesa tjetër e jona, të keni mundësinë të votoni që këtu, ku jetoni e punoni.
Pse? Sepse ju meritoni më shumë se kaq. Sepse, Diaspora e Shqipërisë ka qënë ndër vite, jo vetëm sot, një nga shpëtimet e vetme që ka pasur Shqipëria.
Dhe kontributi që ju jepni për Shqipërinë, është i jashtëzakonshëm. Kontributi juaj është sa një shtet i tërë. Sa prej jush këtu ndihmojnë familjet e tyre në Shqipëri, dhe të afërmit? Të gjithë apo jo? Remitancat që emigrantët sjellin në Shqipëri janë ato që mbajnë në këmbë ekonominë shqiptare. E meritoni pra votën, apo jo? Por nuk është vetëm kjo. Ne kemi nevojë për diasporën, jo vetëm për paratë që sjell në Shqipëri. Ne kemi nevojë për Diasporën, për eksperiencën dhe atdhedashurinë e saj.
Florjan Binaj:
‘Kur ra busti i komunizmit, unë kam qënë i vogël fare, dhe mbaj mend prindërit e mi që me thonin ‘Tani do bëhet Shqipëria si e gjithë Europa’. Mirëpo, sot që flasim, unë kam më shumë thinja se babi im në atë kohë që më tha që do bëjmë Shqipërinë, fëmijët e mi kanë mbaruar dhe kopshtin, janë në shkollë, dhe ku jemi? Jemi po aty ku ishim. Rrotullohu, rrotullohu jemi po aty ku ishim. Jemi sot këtu, sepse ne do luftojmë fort, po bashkë me ju për të ndryshuar rregullat e lojës. Ne kërkojmë katër gjëra kryesore, një nga të cilat është vota e emigrantëve. Dhe lajmi i mirë për ju, për ne, dhe gjithë shqiptarët është se Gjykata Kushtetuese ka vendosur që nga 14 janari e mbrapa, për çdo palë zgjedhje në Shqipëri, po nuk votoi Diaspora nga aty ku është , zgjedhjet quhen të pavlefshme.
Pyetje nga qytetarët prezent:
Konkretisht, çfarë mund të bëjme ne për t’ju ndihmuar? A bëhet kjo?
Jam i sigurt që bëhet, me iniciativën që keni marrë ju, me trurin që ndodhet në këtë dhomë, bëhet jo vetëm Shqipëria ,por dhe Europa.
Fjala e Arjan Konomit:
‘Jam i lumtur që jam këtu mes jush, që jeni shqiptarët e emigracionit. Thoshin atëherë: ‘Shqipëria do bëhet’, për 7 vite, për 10 vite, për 12 vite. Por ja ku jemi sot, pas kaq shumë vitesh, pas tre dekadash, jemi akoma në pozicionin e fillimit. Situata e njerëzve, situata e emigracionit, situata e dëshirës së njerëzve për t’u larguar nga Shqipëria. Nuk e kanë më as shkollimin, as edukimin, dhe asgjë tjetër që t’i mbajë në Shqipëri, por vetëm dëshirën për t’u larguar dhe për të ndërtuar një jetë më të mirë diku larg Shqipërisë. Ata që janë larguar, ama, kanë treguar se janë shembuj suksesi, shembuj suksesi në jetën e thjeshtë, shembuj suksesi në biznes, në shkollë dhe në shumë sfera të jetës.’
Bujqësia po e humb peshën e saj në ekonomi. Tkurrja e fondeve që qeveria po i vë çdo vit në dispozicion po bën që sektori të prodhojë më pak vlerë të shtuar në ekonominë e vendit. Kjo ecuri negative u vu edhe më shumë në dukje në tremujorin e tretë të vitit gjatë së cilit kontributi i bujqësisë në ekonomi ishte negativ… 0.41 për qind më pak se në po të njëjtën periudhë kohore të një viti më parë.
“Kam shkruar një artikull në vitet 2000 ku thosha se bujqësia është si puna e një lope që milet tre herë në ditë dhe ushqehet vetëm një herë. Kjo lopë, në këtë rast bujqësia është e destinuar të vdesë”, thotë për A2, Esmeralda Ballesha, eksperte për bujqësinë.
Bujqësia ka hyrë tashmë në cikël rënës, e ndikuar nga njëra anë, nga pakësimi i popullsisë në fshat nga emigracioni i brendshëm dhe i jashtëm dhe mungesa e subvencioneve shtetërore, në anën tjetrën, që e kanë përkeqësuar klimën në sektor.
“Duhet ta themi hapur. Të gjitha qeverisjet në këto 30 vite kanë qenë neglizhente për sa i përket politikave me fshatin. Mentaliteti i qeverive ka qenes e fshatari mori tokën e tij e tani le t’ia dalë vetë. Kjo ka qenë fatale për sektorin e bujqësisë”, thotë Ballesha.
Vitin e kaluar, prodhimi në sektorin bujqësor shënoi rënie me 0.69 për qind. Kjo ndodhi në një kohë kur ekonomia u rrit me gati 3.5 për qind, çka dëshmon se sektori është lënë tashmë në rënie të lirë. “Unë them që minimalisht bujqësia duhet të ketë në dispozicion 800 milionë euro. e Theksoj. Minimalisht. Për të kapur ritmin e vendeve të tjera të Rajonit. Më tej në Europë jemi larg konkurrencës”, thotë Ballesha.
Të jesh i madh, jo gjithmonë do të thotë se ke avantazh. Shembulli më i mirë në vend është bujqësia. Kontributi i saj në ekonomi ka qenë gati 22 për qind e totalit, por sektorit përherë e më shumë po merr më pak para nga buxheti i shtetit. Rrjedhimisht po prodhon më pak vlerë të shtuar në ekonomi.
Kryetari i Partisë Demokratike, Sali Berisha, ka uruar kryeministrin e Kosovës, Albin Kurti, për fitoren e zgjedhjeve të parakohshme parlamentare.
Përmes po postimi në rrjetet sociale, Berisha shkruan se edhe partitë e tjera politike të Kosovës mbajtën qëndrime dinjitoze gjatë fushatës, për respektimin e vullnetit të qytetarëve.
Po ashtu Berisha shkruan se këto zgjedhje treguan se në Kosovë ka garë të lirë dhe demokratike, shkruan A2 CNN.
Kreu i PD nuk harroi të akuzonte kryeministrin Edi Rama për pengim të procesit të rregullt zgjedhor në Shqipëri.
Postimi i Berishës:
Zgjedhjet Parlamentare të 28 dhjetorit 2025 në Kosovë, një sukses frymëzues për Shqipërinë
Të dashur miq, dje Kosova zhvilloi zgjedhjet palamentare të parakohshme, të dytat në një hark kohor 10 mujor. Këto zgjedhje për fushatën, procedurën e votimit, garën e lirë, administrimin e votës ishin një sukses i vërtetë i demokracisë së re të Kosovës dhe mbarë qytetarëve të saj dhe shpresoj një frymëzim për shqiptarët në Shqipëri, ku armiku i egër i votës së lirë të qytetarëve shqiptarë, Ramaduro i Europës, ka shndërruar procesin jetik të zgjedhjeve të lira në farsë të shëmtuar elektorale.
Me këtë rast dua të uroj përzemërsisht qytetarët e lirë të Kosovës, autoriteret e vendit dhe institucionet e administrimit të procesit zgjedhor dhe forcat politike për arritjen e vërtetë të rendit demokratik të vendit të tyre.
Uroj fituesin e zgjedhjeve Z. Albin Kurti për fitoren e thellë të këtyre zgjedhjeve, por edhe të gjitha forcat e tjera politike për pjesëmarrjen dhe qëndrimet e tyre dinjitoze gjatë fushatës dhe respektimin e vendimit të sovranit. Dhe njëherë urime Kosovës, krenari e shqiptarëve! #sb
Qytetarët e Vlorës kanë protestuar sërish sot para dyerve të Bashkisë pasi prej 4-5 ditësh janë pa ujë të pijshëm pas një defekti në linjën kryesore të ujësjellësit.
Njëri prej qytetarëve ka telefonuar kryebashkiaken Brunilda Mersini duke i kërkuar që të vijë personalisht dhe të bisedojë me qytetarët për situatën por Mersini i ka mbyllur telefonin qytetarit pa i dhënë asnjë zgjidhje.
Si pasojë e pakënaqësisë, qytetarët janë zhvendosur në rrugën kryesore, duke bllokuar qarkullimin. Ata kanë pasur disa përplasje me policinë dhe kanë hedhur vezë dhe letra higjenike para ambienteve të Bashkisë.
Ndërkohë, Ujësjellësi i Vlorës ka njoftuar banorët se uji i sjellë me autobotë duhet përdorur vetëm për nevoja emergjente dhe jo për konsum oral. Në njoftim thuhet:
‘Ujësjellës Kanalizimeve Rajoni Vlorë, njofton qytetarët se ujin të cilin po e marrin nga autobotet, duhet t’a përdorin për nevoja emergjente dhe jo për përdorim oral.’
Nga ana tjetër qytetarët shprehen se autoboti që shihni në foto përdoret për zhbllokimin e pusetave të ujërave të zeza, por tani po shpërndan edhe ujë dhe në pikë të hallit kanë marrë bidonat dhe po mbushin ujë.
Këta janë 10 kandidatët më të votuar në Vetëvendosjes
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Kryetari shqiptar i komunës së Morbachut bëhet viral në Gjermani
Bujqësia po e humb peshën e saj në ekonomi, sektori në rënie të lirë
Berisha uron Kurtin për fitoren: Zgjedhjet, një sukses i vërtetë i demokracisë në Kosovë!
BE pret formim të shpejtë të institucioneve të reja të Kosovës
Zbulohet pas 12 vitesh, çfarë tha Michael Schumacher para se të aksidentohej
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
20 pikat e Zelenskyt për t’i dhënë fund luftës, Rusia kundër!
FOTO/ Nëna me dy fëmijët humbën jetën në një zjarr tragjik në Angli
Autoboti i pastrimit të ujërave të zeza, po shpërndan ujë për qytetarët në Vlorë
Strakosha në formë të jashtëzakonshme, AEK-u gjen stabilitet. Garanci edhe për Kombëtaren
I dhanë mundësinë të krijojë qeverinë pa opozitën, Kurti mesazh falënderues për të gjithë votuesit e LVV: U jemi mirënjohës përjetë
Vlora 4 ditë pa ujë, kryetarja e bashkisë: Defekti, fatkeqësi natyrore. Ujësjellësi s’është në varësinë tonë, protestën po e bën opozita
Peskov: Rusia pajtohet me vlerësimin e Trump, bisedimet në fazën përfundimtare
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
FOTO/ Nëna me dy fëmijët humbën jetën në një zjarr tragjik në Angli
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
Anomalia e buxhetit, 2 miliardë euro shpenzime në dhjetor
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Spitalet paralajmëruan se kriza e kujdesit në fund të jetës kërcënon trajtimin
Këta janë 10 kandidatët më të votuar në Vetëvendosjes
Përplasjet kufitare Taxhikistan-Taleban: Çfarë fshihet pas tyre, pse ndikojnë në Kinë?
Disidenti egjiptian kërkon falje për tweets, ndërsa konservatorët kërkojnë dëbim nga Mbretëria e Bashkuar
Titujt e gazetave në UK
-
Albania12 hours agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
UK11 hours agoFOTO/ Nëna me dy fëmijët humbën jetën në një zjarr tragjik në Angli
-
Albania2 days ago
Shqiptari në Britani shpëton nga deportimi pasi “partnerja nuk i flet shqip”
-
Sports11 hours agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK2 days ago
Rrëzohet aeroplani në Britani, alarm në aeroportin Southend në Londër
-
Albania12 hours agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Albania1 day ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
-
UK1 day agoPrinci William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim