Parlamenti i Malit të Zi ka votuar në favor të një mocioni mosbesimi ndaj qeverisë, duke sjellë trazira të reja politike në vend. Mocioni i mosbesimit u votua nga 50 deputetë, 30 bojkotuan procesin dhe vetëm një votoi kundër.
“Ne kemi nevojë për zgjedhje dhe një qeveri të qëndrueshme,” tha iniciatori i mocionit të mosbesimit, Daniel Zifkoviç.
Koalicioni qeveritar i udhëhequr nga Dritan Abajovic erdhi në pushtet vetëm prillin e kaluar dhe u bë më jetëshkurtër në historinë e vendit.
Tensioni politik kishte qenë në kulmin javët e fundit lidhur me një marrëveshje të diskutueshme midis qeverisë malazeze dhe kishës ortodokse serbe mbi statusin e pronësisë së qindra manastireve dhe tempujve të shenjtë në vendin ballkanik. Shumë mendojnë se nuk mbron interesat e shtetit.
Presidenti malazez Milo Gjukanoviç, i cili është akuzuar se dëshiron të shtetëzojë pronën e kishës, e përdori marrëveshjen për të destabilizuar qeverinë dhe për të nxitur zgjedhje të parakohshme, thanë analistët politikë.
Një arkitekt i pavarësisë së Malit të Zi, Gjukanoviç dëshiron me çdo kusht të zvogëlojë ndikimin e Kishës Ortodokse Serbe në vend dhe të krijojë një identitet kombëtar të veçantë, edhe nëse kjo do të thotë të krijojë një kishë tjetër ortodokse të pavarur.
Çështjet fetare në Malin e Zi, i cili fitoi pavarësinë nga Serbia në vitin 2006, janë një nga shkaqet kryesore të përmbysjes së dy qeverive të fundit.
Një e treta e 620,000 banorëve të vendit e identifikojnë veten si serbë. Kisha Ortodokse Serbe, e cila është e fuqishme në Mal të Zi, akuzohet nga kritikët e saj se i shërben interesave të Beogradit.
