Bota
Mali i Zi mbyll kufirin
Mali i Zi ka vendosur të mbyllë kufirin. Autoritetet policore njoftojnë se duke nisur nga sot, datë 25.11.2020 dhe çdo ditë, deri në një urdhër të dytë, nga ora 19:00 deri në orën 05:00 të mëngjesit të do të ketë ndalim të plotë të qarkullimit në të gjithë territorin e Malit të Zi.
Përjashtim nga ky rregull bëjnë mjetet e tonazhit të rëndë që kalojnë në kufi (kamionët), mjetet që udhëtojnë drejt aeroportit, shërbimet e urgjencës dhe mjetet ose shtetasit që kalojnë tranzit në territorin e Malit të Zi.
Sqarojmë se shtetasit shqiptarë mund të kalojnë nëse janë të pajisur me testin serologjik, brenda orarit të përcaktuar 05:00-19:00.
Presidenti Trump ishte i lodhur. Gjatë një takimi me ligjvënësit e grupit republikan në Shtëpinë e Bardhë gjatë verës, Trump qortoi ashpër kreun e House Freedom Caucus, Andy Harris, sepse kishte ngritur shqetësime rreth legjislacionit kryesor të presidentit për taksat dhe shpenzimet. Trump kërkoi që Harris të rreshtohej…pastaj presidenti u largua papritur nga dhoma, sipas njerëzve që morën pjesë në takim.
Pasi Trump u largua, Harris e drejtoi zemërimin e tij te James Blair, një nga këshilltarët kryesorë të presidentit. Harris e akuzoi Blair-in se donte të gjente një sfidues republikan në zgjedhjet primare për ta rrëzuar atë.
“Unë thjesht punoj për presidentin, zotëri,” u përgjigj Blair, sipas njerëzve në dhomë. Ky nuk ishte një mohim.
Blair, një operativ 36-vjeçar qeros nga Florida, të cilin kolegët e përshkruajnë si intensiv dhe të zjarrtë, është bërë një figurë tejet e rëndësishme në mandatin e dytë të Trump-it, duke bindur ligjvënësit, duke zbatuar besnikërinë ndaj Trump-it, duke formësuar mesazhet e presidentit për shëndetësinë dhe ekonominë, si dhe duke orkestruar strategjinë e Shtëpisë së Bardhë për zgjedhjet e mesmandatit të vitit të ardhshëm.
Gjurmët e tij janë aq të dukshme në planin e rishpërndarjes së zonave të Republikanwve, saqë disa ndihmës të Shtëpisë së Bardhë i referohen atij si “Blairymandering.”
Titulli i Blair-it – zëvendësshef i stafit – nuk e pasqyron plotësisht ndikimin e tij. Ai ishte në mesin e shtatë zyrtarëve të lartë, përfshirë zëvendëspresidentin dhe Sekretarin e Shtetit, që përfaqësuan administratën ë një set fotografik të fundit për Vanity Fair. Ai e përshkroi veten si një “rojtar”.
“Presidenti mbështetet tek ai jashtëzakonisht shumë,” tha Russell Vought, drejtor i Zyrës së Menaxhimit dhe Buxhetit, në një intervistë.
Deri më tani, Blair i ka mbajtur republikanët kryesisht të bashkuar rreth Trump-it. Ai ndihmoi në sigurimin e kalimit të paketës së taksave dhe shpenzimeve të Trump-it, duke kufizuar largimet nga radhët e republikanëve të Kongresit dhe duke fituar mbështetjen e Harris dhe konservatorëve të tjerë.
Në një deklaratë, Harris tha se “mosmarrëveshjet nuk janë të pazakonta gjatë negociatave të nivelit të lartë” dhe e quajti punën e Blair-it “të lavdërueshme”. Një zëdhënëse e Harris hodhi poshtë pretendimin se kongresmeni ngriti mundësinë e një sfide në primare gjatë takimit në Shtëpinë e Bardhë.
Por përpara ka sfida të mëdha. Blair po përpiqet të shmangë humbje republikane në mesmandat. Blair po punon për të parandaluar thellimin e çarjeve në Partinë Republikane. Dhe ai do të duhet të bindë republikanët skeptikë dhe gjykatat që të pranojnë përpjekjet e tij për të riformuar hartat e Kongresit.
Jo më një “i ngurtë”
Blair u soll në fushatën presidenciale të Trump-it të vitit 2024 nga atëherë shefja e fushatës Susie Wiles, e cila tani shërben si shefe e stafit të Shtëpisë së Bardhë. Wiles dhe Blair më parë punuan për guvernatorin e Floridës, Ron DeSantis, dhe më vonë u ftohën me të pasi u larguan në fillim të vitit të parë të guvernatorit në detyrë.
Një nga punët e para të Blair-it për Trump-in gjatë primareve të vitit 2024 ishte sulmi ndaj DeSantis, shpesh duke përdorur informacione rreth guvernatorit që i kishte mbledhur duke punuar për të.
Pas atentatit ndaj Trump-it në korrik 2024, Blair ndonjëherë sillte një jelek antiplumb dhe një armë në punë, kujtojnë ish-ndihmësit e fushatës.
Blair fillimisht nuk kishte një marrëdhënie të ngushtë me Trump-in, i cili u thoshte ndihmësve në atë kohë se ai ishte “i ngurtë”. Por Trump e njohu Blair-in pas zgjedhjeve dhe tani flet me të rregullisht, sipas zyrtarëve të Shtëpisë së Bardhë.
Blair është kërkues, i prirur për të kritikuar dhe vazhdimisht në telefonin e tij, sipas njerëzve që e njohin. Disa në Uashington e quajnë atë “Orakulli” për shkak të njohurive të tij enciklopedike mbi të dhënat. Fjalitë e tij shpesh fillojnë me: “Presidenti dëshiron…”
“Ka një arsye pse Presidenti Trump e thërret zëvendësshefin e tij të stafit ‘James i Shkëlqyer’,” tha zëdhënësja e Shtëpisë së Bardhë Karoline Leavitt.
Blair ndonjëherë ka përqafuar rolin e “policit të keq”, duke u dërguar lajme të vështira për t’u gëlltitur ligjvënësve. Ai u tha republikanëve që kishin shqetësime rreth paketës së taksave dhe shpenzimeve se një votë kundër legjislacionit do ishte një votë kundër presidentit dhe axhendës së tij dhe do trajtohej si e tillë, sipas njerëzve të njohur me bisedat. Kjo u pa nga disa ligjvënës si një kërcënim.
Ai shpesh këshillon ligjvënësit republikanë se si duhet të votojnë, si duhet të drejtojnë fushatat, kur nuk duhet të kërkojnë poste më të larta dhe kur Trump është i zemëruar. Ai u kujton ligjvënësve se Trump është më popullor në rrethet e tyre sesa janë ata vetë, duke sjellë ndonjëherë sondazhe për të përforcuar argumentin e tij. Ndërsa Trump ka bërë presion për të hequr *”filibuster”-in, Blair është takuar privatisht me senatorët javët e fundit për të paraqitur ndryshimet e mundshme.
Blair ka filluar t’u japë këshilla anëtarëve mbi përballueshmërinë e jetesës që nuk përputhen gjithmonë me mesazhet publike të Trump-it, duke thënë se kjo çështje do jetë në qendër të zgjedhjeve të mesmandatit.
“Jo shumë respekt”
Taktikat e Blair-it kanë zemëruar disa në Kapitol Hill. Anëtarët janë ankuar privatisht se si Shtëpia e Bardhë nuk duket se e kupton që Kongresi është një degë e barabartë e qeverisë. Disa republikanë kanë njoftuar tërheqjen në vend që të përballen me rizgjedhjen, dhe të tjerë po e konsiderojnë tërheqjen, thanë republikanët e lartë të Hill-it.
Deputetja Marjorie Taylor Greene, që po tërhiqet, shprehu zemërim te zyrtarët e Shtëpisë së Bardhë në fillim të këtij viti se Blair dhe ekipi i marrëdhënieve legjislative ishin përçmues ndaj saj. Zyra e saj nuk iu përgjigj kërkesave për koment.
“Nuk ka shumë respekt ndaj Kongresit”, tha Erick Erickson, një aktivist konservator.
Në një deklaratë të shkruar, Blair citoi nga fjalimi i përgatitur që Presidenti John F. Kennedy do mbante në Dallas ditën kur u vra: “Gjithmonë do ketë zëra disidentë në vend, duke shprehur kundërshtim pa alternativa, duke gjetur gabime por asnjëherë favor, duke parë errësirë në çdo anë dhe duke kërkuar ndikim pa përgjegjësi.”
Blair ka bërë presion mbi anëtarët në rrethe konkurruese që të kandidojnë për rizgjedhje pasi mori vesh se po planifikonin të tërhiqeshin ose të kërkonin një zyrë tjetër. Ndonjëherë, bisedat janë nxehur. Ai e shkurajoi ligjvënësin Mike Lawler nga kandidimi për guvernator në Nju Jork, dhe këshilloi deputetin Bill Huizenga kundër kandidimit për Senat në Miçigan, duke zemëruar këtë të fundit.
“A është ai i drejtpërdrejtë? Sigurisht. Kjo është një gjë e mirë për sa më përket mua. Një nga problemet në Uashington është se shumë njerëz janë të butë,” tha Lawler. Blair u shpreh “shumë mirënjohës” që anëtarët dëgjuan.
Muajt e fundit, Blair e ka kthyer fokusin te zgjedhjet e mesmandatit. Ai dha një prezantim në PowerPoint mbi garat dhe strategjitë e veçanta për ndihmësit e Shtëpisë së Bardhë në Camp David. Dhe ai ka intervistuar kandidatë për dhjetëra gara potenciale, duke pyetur për besnikërinë e tyre ndaj Trump-it, nëse mbështesin axhendën e presidentit dhe si planifikojnë të fitojnë.
Blair e ka përshkruar veten te bashkëpunëtorët si “shumë djathtas”, por ai ndonjëherë i paraqet presidentit dhe ekipit të tij të dhëna që tregojnë dobësitë e mundshme politike të politikave të administratës. Ai ka informuar zyrtarët e Shtëpisë së Bardhë mbi sondazhet që tregojnë se bastisjet e emigracionit që përqendrohen në dëbimin e kriminelëve do ishin më popullore sesa bastisjet me shtrirje të gjerë. Ai i dha Trump-it grafiqe së fundmi që tregonin se sa pesimistë ishin shumë amerikanë për ekonominë.
Në prill, Blair i prezantoi presidentit një plan agresiv për të rishikuar hartat e Kongresit në përpjekje për të mbajtur kontrollin republikan të Dhomës. Plani ishte guximshëm, por Trump-it i pëlqeu dhe i tha Blair-it të sulmonte.
Për javë të tëra, Blair u bëri presion ligjvënësve të Indianas, përfshirë kreun e Senatit shtetëror Rodric Bray, për të mbështetur një plan rishpërndarjeje të zonave të mbështetur nga Trump. Në një telefonatë natën para votimit, Blair e akuzoi Bray-n se po luante lojëra dhe po punonte kundër republikanëve. Bray i tha se rishikimi i hartave nuk ishte i duhur. Aleatët e Trump tani po paralajmërojnë të mos mbështesin krerët republikanë të shtetit në primare.
Wall Street Journal – Përgatiti për Hashtag.al, Klodian Manjani
Sistemi i drejtësisë argjentinase ka ngritur zyrtarisht akuza ndaj presidentit dhe financierit të Federatës së Futbollit Argjentinas (AFA), Claudio “Chiqui” Tapia dhe Pablo Toviggino, në një hetim mbi kontributet e sigurimeve shoqërore dhe taksave të tjera. Procedurat rrjedhin nga një ankesë e paraqitur nga Drejtoria e Përgjithshme e Taksave (DGI) dhe kanë të bëjnë me taksa të papaguara që arrijnë në total mbi 19 miliardë peso, ekuivalente me afërsisht 13 milionë dollarë, gjatë dy viteve të fundit.
Parregullsitë e supozuara kanë të bëjnë me mbajtjet e TVSH-së, taksën mbi të ardhurat dhe kontributet e pensioneve midis marsit 2024 dhe shtatorit 2025. Ligji argjentinas parashikon dënime me burg nga dy deri në gjashtë vjet për këto vepra penale. Sipas prokurorisë, duke pasur parasysh dimensionin financiare të AFA-s dhe shumën e diskutuar, hetimi mund të shtrihet edhe tek anëtarët e tjerë të bordit drejtues. Ky është i pari nga tre hetimet e hapura ditët e fundit që përfshijnë menaxhmentin e lartë të federatës së futbollit.
Hetimet e tjera kanë të bëjnë me parregullsi të dyshuara financiare që lidhen me kompaninë Sur Finanzas dhe blerjen e një prone luksoze në provincën e Buenos Aires. Nga ana e saj, AFA ka mohuar akuzat, duke denoncuar një “sulm të koordinuar” nga qeveria e Presidentit Javier Milei. Përballja mes palëve vazhdon për më shumë se një vit dhe është nxitur nga plani i qeverisë për të futur modelin e shoqërisë aksionare në futboll, një propozim deri më tani i refuzuar nga AFA dhe shumica e klubeve.
Për më shumë se një vit, Elías Padilla kishte kursyer për të bërë udhëtimin nga Hondurasi në Shtetet e Bashkuara si një emigrant pa dokumente.
Si shofer Uber në rrugët e bllokuara të kryeqytetit, Tegucigalpa, nuk ka qenë e lehtë për të që të kursejë para. Në ditë të këqija ai fiton vetëm 12 dollarë (9 paund) në 12 orë.
Tani, megjithatë, planet e tij janë pezulluar.
Imazhet e emigrantëve pa dokumente në qytetet kryesore të SHBA-së, të cilët zvarriten nga agjentët e Imigracionit dhe Doganave (ICE), me kyçet e duarve të lidhura me zinxhirë, kanë dekurajuar të paktën një emigrant të mundshëm në Amerikën Qendrore të udhëtojë drejt veriut.
«Dua të përmirësoj kushtet e mia të jetesës sepse fitojmë shumë pak këtu», shpjegon Elías ndërsa udhëtojmë me makinë nëpër qytet. «Merrni për shembull këtë lloj pune: një shofer Uber në SHBA fiton në një orë atë që unë do të fitoja në një ditë».
Ashtu si shumica e emigrantëve honduras, Elías thotë se qëllimi kryesor i arritjes në SHBA do të ishte dërgimi i parave në shtëpi.
“Por e shoh çfarë po bën Trump dhe kjo më ka bërë të mendohem dy herë”, pranon ai.
«Do të pres të shoh se çfarë do të sjellë ndryshimi në qeveri këtu», thotë ai, duke iu referuar zgjedhjeve të fundit presidenciale. «Shpresoj që gjërat do të përmirësohen».
Ndryshimi i mendjes së Elías padyshim do të jetë një lajm i mirëpritur për arkitektët e politikave të imigracionit të Presidentit të SHBA-së, Donald Trump, përfshirë carin e kufijve Tom Homan dhe këshilltarin e sigurisë atdhetare Stephen Miller.
Përveç largimit të emigrantëve pa dokumente nga toka amerikane, operacionet kontraverse të ICE-së në Los Angeles, Chicago, Charlotte dhe Minneapolis kishin gjithmonë për qëllim edhe dekurajimin e njerëzve si Elías që të përpiqeshin të largoheshin nga Hondurasi.
Megjithatë, politikat i kanë sjellë një të ardhur të papritur ekonomisë së Hondurasit: mijëra hondurasanë që jetojnë pa dokumente dhe nën radar në ato qytete po dërgojnë në shtëpi më shumë remitanca se kurrë.
Me shumë hondurasianë pa dokumente që ndajnë ndjenjën e një kërcënimi ose afati të afërt për të ardhmen e tyre, shumë prej tyre po përpiqen t’u dërgojnë çdo dollar të tepërt familjeve të tyre para se të jetë tepër vonë.
Midis janarit dhe tetorit të këtij viti, pati një rritje prej 26% të remitancave në Honduras krahasuar me të njëjtën periudhë të vitit të kaluar.
Në fakt, edhe pse numri i tyre po zvogëlohet në SHBA, hondurasit e rritën shumën që dërguan në shtëpi nga 9.7 miliardë dollarë (7.2 miliardë paund) në të gjithë vitin 2024 në më shumë se 10.1 miliardë dollarë (7.5 miliardë paund) vetëm në nëntë muajt e parë të këtij viti.
BBC foli me njërin prej tyre, Marcos (jo emri i tij i vërtetë), në telefon nga një qytet i madh amerikan ku ai ka jetuar për pesë vjet, duke punuar në ndërtim.
“Shumica e parave që dërgoj në shtëpi shkojnë për familjen që të mbulojë nevojat bazë si ushqimi. Por edhe që të mund të lënë diçka mënjanë për të blerë një tokë të vogël ku mund të ndërtojmë një shtëpi, ndoshta të blejmë një makinë”, thotë ai.
Që kur Trump mori detyrën, Marcos thotë se mban vetëm minimumin që i nevojitet për qira dhe ushqim në SHBA. Çdo gjë tjetër shkon në Honduras.
Ai e ka rritur vazhdimisht shumën që u dërgon gruas dhe dy fëmijëve të tij në kryeqytetin e Hondurasit, Tegucigalpa, “nga 500 dollarë në muaj në rreth 300 dollarë në javë”, thotë ai. Ai gjithashtu përpiqet të dërgojë edhe më shumë në dhjetor për të mbuluar shpenzimet e Krishtlindjeve.
“Është si një garë me kohën” për të dërguar në shtëpi sa më shumë të jetë e mundur përpara se të përfshihet në rrjetën e arrestimeve të ICE-së, shpjegon Marcos.
“Më parë mendoja të sillja familjen time këtu. Tani, me gjithçka që po ndodh me Trumpin dhe ICE-në dhe me kaq shumë frikë në rrugë, dua vetëm të sigurohem që nëse më kapin, do të ketë pak para mënjanë atje poshtë.”
Pjesërisht, shton ai, ai po përpiqet gjithashtu të përgatitet për mundësinë e arrestimit të tij, duke e ditur se familja e tij nuk do të jetë në gjendje të mbështetet tek ai që do të jetë në gjendje t’i sigurojë jetesën nëse do të qëndrojë në një qendër paraburgimi për dy muaj.
Por politikat e Trump nuk po ndikojnë vetëm në ekonominë formale përmes remitancave. Ekonomia e paligjshme, përmes kontrabandës së njerëzve, është prekur gjithashtu.
Jimmy (nuk është emri i tij i vërtetë) është një ish -kojot ose kontrabandist njerëzish i cili pranoi të fliste me BBC-në në një vendndodhje jashtë kryeqytetit. Për 20 vjet ai siguroi jetesën duke transportuar njerëz nëpër Meksikë, që përgjithësisht konsiderohet si pjesa më e rrezikshme e udhëtimit.
Është një industri e paligjshme e drejtuar kryesisht nga grupet meksikane të krimit të organizuar dhe, megjithëse Jimmy pretendon se nuk ka punuar konkretisht për asnjë nga kartelet e mëdha, ai pranon se ka vepruar me njohuritë dhe bekimin e tyre.
Sot, thotë ai, klientët potencialë po vërejnë se “çmimi është dyfishuar, nga 12,000-13,000 dollarë për person në rreth 25,000-30,000 dollarë”.
“Megjithatë, njerëzit ende po ia dalin mbanë,” këmbëngul Jimmy. “Ishte shumë më tepër nën aplikacionin CBP One [një rrugë ligjore e epokës së Bidenit për të paraqitur kërkesa për azil], por ndoshta 40% ende po ia dalin mbanë.”
Më pak njerëz po largohen sepse “jo të gjithë mund të paguajnë” kostot e larta të kontrabandistëve të njerëzve, shton ai.
Mes tyre, shoferi i Uber, Elías Padilla.
Duke punuar shumë dhe duke shitur sende personale për të mbledhur fondet, Elías thjesht nuk mund të përballojë rrezikun e deportimit menjëherë pas mbërritjes në SHBA.
Edhe pse e di që shanset e tij për t’u vendosur me sukses në SHBA janë zvogëluar nën presidencën e Trump, Elías thotë se nuk ka shumë zgjedhje veçse të presë – që të kalojë ose vala aktuale e bastisjeve të ICE-së ose e gjithë presidenca e Trump.
Ai shton se emigrantët e Amerikës Qendrore kanë parë të gjitha llojet e politikave të ashpra kundër tyre gjatë viteve – si nga qeveritë rajonale ashtu edhe nga Uashingtoni. Me perspektivën ekonomike në Honduras ende të zymtë, Elías mendon se ka pak gjëra që mund t’i mbajnë njerëzit prapa për një kohë të gjatë. Madje as masat aktuale të ashpra.
“Trump vetëm sa i ka shtyrë planet e mia,” këmbëngul ai. “Jo i ka anuluar ato.”
“Kurti fitues pas muajsh bllokade politike”, BBC: Normalizimi i marrëdhënieve me Brukselin dhe Uashingtonin në axhendën e qeverisë së re
Kush është “zbatuesi hije” i Shtëpisë së Bardhë me ndikim të jashtëzakonshëm te Trump
Përfundon numërimi i votave për subjektet politike, nis numërimi për kandidatët në 38 Qendra Komunale
Vlora 4 ditë pa ujë/ “O vllai do më dëgjosh”, kreu i AKUK shkon te protestuesit: Do ta zgjidhim, sot në mesnatë nis furnizimi
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Presidenti i Federatës Argjentinase të Futbollit, Tapia, rrezikon burgun
Veshjet sintetike mund të ndikojnë në shëndetin riprodhues të grave dhe burrave
Nga frika e deportimit, hondurasit në SHBA dërgojnë më shumë para në shtëpi se kurrë më parë
Shqetësime për ‘superioritetin’ mbi vizitën e jahtit mbretëror në Irlandë në vitin 1996
Spitalet paralajmëruan se kriza e kujdesit në fund të jetës kërcënon trajtimin
Brigitte Bardot: Bjondia seksi që revolucionarizoi kinemanë franceze
Burri qëllohet për vdekje nga policia pas përplasjes së dy makinave
Trump dhe Zelensky duken më optimistë – por tregojnë pak prova se paqja është afër për Ukrainën
John Simpson: ‘Kam raportuar për 40 luftëra, por nuk kam parë kurrë një vit si viti 2025’
Disidenti egjiptian kërkon falje për tweets, ndërsa konservatorët kërkojnë dëbim nga Mbretëria e Bashkuar
Shqiptari në Britani shpëton nga deportimi pasi “partnerja nuk i flet shqip”
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Rrëzohet aeroplani në Britani, alarm në aeroportin Southend në Londër
Anomalia e buxhetit, 2 miliardë euro shpenzime në dhjetor
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
Dalin Exit Poll-et e para, Vetëvendosja rikonfirmohet forcë e parë, Hamza 23.9 përqind, Abdixhiku 16.1 përqind
Presidenti i Ukrainës, Zelensky mbërrin në Mar-a-Lago, takohet me presidentin Trump
Përplasjet kufitare Taxhikistan-Taleban: Çfarë fshihet pas tyre, pse ndikojnë në Kinë?
Numërohen 81% e kutive të votimit në Kosovë: Albin Kurti drejt mandatit të tretë si kryeministër
Amnisti penale nga qeveria! Lamallari: 380 të burgosur lirohen, 900 të tjerë përfitojnë ulje dënimi (video)
KQZ numëron mbi 80% të votave, Vetëvendosje në epërsi të thellë
Elozhi i kujtesës
Zjarr në një azil pleqsh në Indonezi, humbin jetën 16 të moshuar
Disidenti egjiptian kërkon falje për tweets, ndërsa konservatorët kërkojnë dëbim nga Mbretëria e Bashkuar
-
Albania2 days ago
Shqiptari në Britani shpëton nga deportimi pasi “partnerja nuk i flet shqip”
-
Albania15 hours ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
-
UK2 days ago
Rrëzohet aeroplani në Britani, alarm në aeroportin Southend në Londër
-
Albania15 hours ago
Anomalia e buxhetit, 2 miliardë euro shpenzime në dhjetor
-
Albania17 hours ago
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
-
UK15 hours agoPrinci William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
-
Kosova17 hours ago
Dalin Exit Poll-et e para, Vetëvendosja rikonfirmohet forcë e parë, Hamza 23.9 përqind, Abdixhiku 16.1 përqind
-
Bota15 hours ago
Presidenti i Ukrainës, Zelensky mbërrin në Mar-a-Lago, takohet me presidentin Trump