Napoleon Bonaparte, i quajtur shpesh me përkufizim vetëm Napoleon, ishte një politikan dhe gjeneral francez, themelues i Perandorisë së Parë Franceze dhe protagonist i fazës së parë të historisë bashkëkohore evropiane, e njohur si “epoka Napoleonike”.
Pushtimet e tij në të gjithë Evropën dhe më gjerë e bëjnë atë një nga strategët më të mirë ushtarakë ndonjëherë, por rëndësia e tij nuk kufizohet vetëm në fitoret në fushë. Shumë të rëndësishme ishin edhe disa fushata, si ajo e Egjiptit, e cila i ktheu botës thesare me vlera të paçmueshme.
Jeta e tij, e mbushur me ulje-ngritje të vazhdueshme, intriga, vrasje dhe lidhje dashurie, përfundoi në vitin 1821 në ishullin Sant’Elena, në mërgim, për shkak të kancerit në stomak.
Edhe pse jeta e tij ka mbushur librat e historisë për më shumë se një shekull, disa kuriozitete mund t’ju kenë shpëtuar ende.
Falë Napoleonit, sot lexojmë hieroglifë egjiptianë
Ndoshta jo të gjithë e dinë se ishte falë fushatës së Napoleonit (1798-1081) në Egjipt që sot ne jemi në gjendje të gjurmojmë historinë e Egjiptit të Lashtë. Në të vërtetë, gjatë fushatës, kapiteni Pierre-François Bouchar zbuloi gurin e famshëm të Rozetës, i cili i lejoi studiuesit të deshifronin hieroglifet misterioze.
Napoleoni nuk e mori kurorën e Perandorit në duart e tij
Shkrimet thonë se gjatë kurorëzimit të tij si Perandor i Francës, i cili u zhvillua në Katedralen e Notre-Dame në 1804, Napoleoni mori kurorën e Perandorit në dorën e tij, duke e rrëmbyer atë nga duart e Papës dhe e vurinë kokë. Kjo, siç tregohet nga dokumente të shumta historike të disponueshme sot, është një mit i rremë, pasi Bonaparti nuk e mori kurrë kurorën në dorë. Është e vërtetë që Papa mori pjesë në ceremoni, por jo drejtpërdrejtë.
Përpjekja për vetëvrasje e Napoleonit
Napoleoni, para se të internohej në ishullin e Shën Helenës, në fakt tentoi vetëvrasjen duke gëlltitur një dozë arseniku që kishte marrë pas disfatës në Rusi. Përpjekja për vetëvrasje ndodhi më 12 prill 1814, pasi trupat kozake të Car Aleksandrit i kishin hyrë në Paris dhe kishin kërkuar heqjen e pushtetit mbretëror të ish-perandorit.
Konsiderohej i shkurtër në shtat
Për shumë dekada, figura e Napoleonit konsiderohej ajo e një personi shumë të shkurtër në shtat. Megjithatë, duket se kjo është vetëm një shpikje e britanikëve për të diskredituar armikun e hidhur. Në fakt, Napoleoni duket se ka qenë midis 168 dhe 169 cm i gjatë, 3 cm më shumë se mesatarja e bashkëkohësve të tij.
Lotët e Napoleonit
Gjatë mërgimit të tij në ishullin e Shën Helenës, Napoleoni thuhet se ka qarë teksa shikonte një pikturë që përshkruan Betejën e Wagramit. Kjo ishte një nga rastet e rralla që Napoleoni i lëshonte emocionet e tij në publik.
