Bota
“Qendra e diamanteve”: Njihuni me ndërtesën e re të zyrave që është më e madhe se Pentagoni
Qyteti belg i Antwerp-it mund të njihet si qendra botërore e tregtisë së diamanteve, ndërsa shumica e ‘gurëve të çmuar’ nxirren në Rusi ose Afrikë. Por, mbi 240 kilometra në veri të Mumbait, Indi, ndodhet një kryeqytet më pak i njohur: Surati, ku janë prerë rreth 90 për qind e të gjithë diamanteve të planetit.
Dhe tani, qyteti në shtetin Gujarat ka një ndërtesë rekord për këtë industri të madhe, raporton CNN.
“Surat Diamond Bourse” e sapohapur është një “destinacion” për mbi 65 mijë profesionistë të diamanteve, duke përfshirë prerës, lustrues dhe tregtarë.
Duke shfaqur një varg prej nëntë strukturash drejtkëndëshe të vendosura pas – dhe të ndërlidhura – një “shtyllë kryesore qendrore”, kompleksi i gjerë dhe 15-katësh është ndërtuar në më shumë se 35 hektarë tokë.
Arkitektët e qendrës tregtare thonë se ajo përfshin mbi 7.1 milionë metra katrorë sipërfaqe, i cili do të thotë se ka tejkaluar Pentagonin si ndërtesa më e madhe e zyreve në botë, transmeton Telegrafi.
Projekti do të mirëpresë banorët e parë në muajin nëntor, pas katër vitesh pune në ndërtimin e saj, dy prej të cilave ishin si vonesë, shkaku i pandemisë.
Ajo pritet të hapet zyrtarisht këtë vit nga kryeministri indian, Narendra Modi, i cili ka lindur në Gujarat dhe më parë ka shërbyer si kryeministër i shtetit.
Fotot e reja ofrojnë një vështrim në dyshemetë e mermerta dhe atriumet e mbushura me dritë që lidhin mbi 4700 hapësira zyrash, të cilat gjithashtu mund të dyfishohen si punëtori të vogla për prerjen dhe lustrimin e diamanteve.
Zhvillimi prej 32 miliardë rupi (345.5 milionë euro) ka gjithashtu edhe 131 ashensorë, ambiente të ngrënies dhe shitjes me pakicë si dhe konferencash për punëtorët.
Sipas CEO së projektit, Mahesh Gadhavi, Surat Diamond Bourse do të shpëtojë mijëra njerëz nga udhëtimi – ndonjëherë çdo ditë – me tren për të bërë biznes në Mumbai.
“Është e vështirë … (disa) njerëz duhet të kalojnë tre orë e gjysmë deri në katër orë, çdo ditë, për të ardhur nga shtëpitë e tyre në zyre dhe për t’u kthyer sërish në shtëpi”, tha ai gjatë një video telefonate, duke përshkruar lëvizjen për të zhvendosur bizneset në Surati si një “opsion më i mirë”.
Dizajni ‘demokratik’
Ndërtesa u organizua nga firma indiane e arkitekturës, “Morphogenesis” pas një konkursi ndërkombëtar dizajni.
Tejkalimi i Pentagonit nuk ishte pjesë e konkursit, tha Gadhavi për CNN. Përkundrazi, madhësia e projektit u diktua nga kërkesa, tha ai, duke shtuar se kompanitë e diamantit kishin blerë zyrat përpara ndërtimit.
Morphogenesis krijoi një “fushë të barabartë loje” për bizneset si të vogla ashtu edhe të mëdha.
Me zyrat e lidhura nga një korridor i gjatë qendror – një konfigurim që të kujton një terminal aeroporti – banorët kanë qasje të ngjashme të përshtatjes, sipas bashkëthemeluesit të firmës së arkitekturës, Sonali Rastogi, i cili e përshkroi dizajnin si “demokratik”.
Puna synohet “të jetë saktësisht e njëjtë për të gjithë”, shpjegoi ajo në një video-telefonatë nga New Delhi, duke shtuar se në çdo zyrë mund të arrini për shtatë minuta duke u nisur nga porta hyrëse.
Dizajni gjithashtu u ndikua nga hulumtimet e Morphogenesis mbi mënyrën se si operon tregtia e diamanteve indiane.
Rastogi tërhoqi vëmendjen te seria e nëntë oborreve prej 1,5 hektarësh, të kompletuara me ulëse dhe shatërvanë të ujit, që mund të shërbejnë si vendtakime të rastësishme për tregtarët.
Duke krahasuar zonat me peizazhet e “një pazari tradicional”, Rastogi tha se firma u ndikua nga fakti që shumë transaksione informale ndodhin jashtë mjedisit të zyrës.
“Urdhrat me email me siguri merren brenda, por transaksionet ‘njeri me njeriun’ pothuajse të gjitha bëhen jashtë”, tha ajo, duke i përshkruar oborret “si parqet publike ku ne po supozojmë se do të zhvillohen të gjitha këto aktivitete”.
Planet për transformim
Imazhet ajrore të Surat Diamond Bourse tregojnë se rrethinat e ndërtesës gjigante janë, për momentin, jashtëzakonisht të ulëta.
Por, kjo mund të ndryshojë nëse planet për një rizhvillim të madh në qytetin me shtatë milionë banorë, të quajtur “Qyteti i Ëndrrave”, realizohen.
Plani ambicioz, i cili është vlerësuar publikisht nga kryeministri Modi, synon të ndërtojë një qytet “të zgjuar” në pothuajse 700 hektarë (1,730 hektarë) të Suratit jugor.
Rastogi ndërkohë raportoi se firma e saj është në bisedime me klientët e mundshëm për projekte të tjera në zonë, duke përfshirë një qendër konventash.
Ndërsa arkitektja pranoi se Surat nuk zotëron një “gjuhë arkitekturore shumë të jashtëzakonshme”, ajo shprehu shpresën se dizajni i qëndrueshëm do të formësojë zhvillimin e ardhshëm të një qyteti ku temperaturat e verës mund të kalojnë 45 gradë Celsius.
Morphogenesis pretendon se dizajni i tij konsumon deri në 50 për qind më pak energji sesa maksimumi i lejuar për të fituar vlerësimin “Platinium” të Këshillit Indian të Ndërtimit.
Forma e ndezur e “shtyllës qendrore” ishte projektuar për të përcjellë erërat mbizotëruese përmes strukturës, thonë arkitektët, ndërsa “ftohja rrezatuese” qarkullon ujë të ftohtë nën dyshemetë e saj për të ulur temperaturat e brendshme.
Megjithëse zyrat individuale do të mbështeten në ajrin e kondicionuar tradicional, Rastogi vlerëson se rreth gjysma e ndërtesës ftohet duke përdorur ventilim natyror, ndërsa zonat e përbashkëta furnizohen me energji diellore.
Policia holandeze njoftoi të enjten se gjatë festimeve të natës së Vitit të Ri është përballur me një valë dhune të paprecedentë. Oficerët e rendit u sulmuan me fishekzjarre dhe mjete shpërthyese, ndërsa incidente të shumta u regjistruan në qytete të ndryshme të vendit, duke përfshirë sulme ndaj policisë dhe zjarrfikësve.
Sipas BBC, në Amsterdam u përfshi nga flakët kisha historike Vondelkerk, e ndërtuar në vitin 1872 dhe e vendosur pranë parkut Vondelpark. Zjarri shpërtheu në orët e para të Vitit të Ri, duke shkaktuar shembjen e kullës 50 metra të lartë dhe dëmtime të rënda në çati. Autoritetet bëjnë të ditur se, megjithë dëmet, struktura e kishës pritet të mbetet e qëndrueshme.
Mediat lokale raportuan për dy viktima në Holandë si pasojë e incidenteve me fishekzjarre: një 17-vjeçar nga Nijmegen dhe një burrë 38-vjeçar nga Aalsmeer. Ndërkohë, në Rotterdam, spitali i specializuar për sëmundjet e syrit trajtoi 14 persona me lëndime të rënda okulare, mes tyre 10 të mitur, dhe dy pacientë iu nënshtruan ndërhyrjeve kirurgjikale.
Ngjarje të rënda u shënuan edhe në Gjermani, ku policia e qytetit Bielefeld konfirmoi se dy të rinj 18-vjeçarë humbën jetën pasi përdorën fishekzjarre të prodhuara artizanalisht.
Në qytetin jugor holandez Breda, forcat e policisë u sulmuan me bomba benzine. Kryetarja e Unionit të Policisë, Nine Kooiman, deklaroi se edhe vetë është goditur me fishekzjarre dhe eksplozivë gjatë shërbimit në Amsterdam, duke e cilësuar situatën si jashtëzakonisht të dhunshme dhe të paprecedentë.
Sipas Shoqatës Holandeze të Piroteknikës, shpenzimet për fishekzjarre këtë vit arritën në 129 milionë euro, shifër rekord. Autoritetet kanë bërë të ditur se ndalimi i fishekzjarreve jozyrtare pritet të hyjë në fuqi në vitin 2026.
Një shpërthim në një bar të quajtur Le Constellation në një bar skish në Zvicër, ka shkaktuar dhjetëra të vdekur dhe rreth 100 të plagosur, disa prej të cilëve janë në gjendje kritike.
Autoritetet po hetojnë për shkakun e zjarrit, i cili shpërtheu rreth orës 01:30.
Zjarri ka përfshirë një pjesë të madhe të lokalit dhe ka shkaktuar panik mes klientëve dhe punonjësve. Policia ka njoftuar se pas shpërthimit ka pasur shumë viktima, dhe disa kombësi janë të përfshira në këtë tragjedi.
Përhapja e zjarrit ka qenë e shpejtë dhe ka vështirësuar mundësitë e evakuimit. Dëshmitarët kanë raportuar për shpërthime të forta dhe shpërndarje të tymit të dendur.
Shkaku i zjarrit nuk është i qartë, por autoritetet fillimisht spekuluan për një shpërthim, ndërsa prokurori lokal ka theksuar se nuk ka dyshim që ky mund të jetë një akt i qëllimshëm.
Autoritetet zvicerane janë duke zhvilluar hetime për të zbuluar shkaqet e ngjarjes dhe për të identifikuar të gjithë viktimat dhe të plagosurit.
Një zjarr shkatërrimtar gjatë natës së Vitit të Ri në barin “Le Constellation” në restorant luksoz të skive Crans-Montana ka shkaktuar të paktën 47 viktima dhe 115 të plagosur, ndër të cilët janë edhe shumë shtetas italianë, disa prej të cilëve rezultojnë të zhdukur.
Shumica e të lënduarve janë të rinj, në moshat 16-26 vjeç.
Si shenjë nderimi për viktimat dhe solidariteti me familjet e tyre, qeveria zvicerane ka shpallur pesë ditë zie kombëtare, një vendim i jashtëzakonshëm për një tragjedi të këtij shkalle në vend.
Presidenti i Konfederatës Helvetike, Guy Parmelin, vizitoi vendin e ngjarjes dhe e cilësoi zjarrin si “një nga tragjeditë më të rënda që Zvicra ka përjetuar ndonjëherë”.
Ai premtoi se autoritetet do të bëjnë gjithçka për të zbardhur rrethanat e ngjarjes dhe për të parandaluar ngjarje të ngjashme në të ardhmen.
“Lutjet dhe mendimet tona janë me të gjithë të prekurit nga kjo tragjedi. Zvicra do të qëndrojë e bashkuar për të kuptuar se çfarë ka ndodhur dhe për të shmangur përsëritjen e një tragjedie të tillë”, tha Parmelin.
Ministri i Jashtëm italian, Antonio Tajani, konfirmoi se 12-15 shtetas italianë janë të shtruar në spitalet zvicerane, disa në gjendje të rëndë, ndërsa 16 italianë rezultojnë të zhdukur. Tre të plagosur rëndë do të transferohen në Milano për trajtim.
Komuniteti lokal ka vendosur lule dhe mesazhe ngushëllimi, ndërsa aktivitetet festive për Vitin e Ri janë anuluar.
Autoritetet paralajmërojnë se procesi i identifikimit të viktimave dhe trajtimi i të plagosurve do të zgjasë javë, ndërsa pesë ditët e zie janë një shenjë respekti dhe reflektimi kombëtar.
Aksident në aksin Peqin–Rrogozhinë, tre të plagosur dërgohen në spital
Aksident i fortë në Lushnjë, përfshihet familja me katër persona, makina u rrotullua disa herë
Qipro merr presidencën e BE-së, 2026-ta vit vendimtar për Shqipërinë
Çfarë është depresioni i Janarit dhe si ta trajtojmë?
Përgjaket 2026, 3 të rinj humbin jetën në një aksident tragjik në Tepelenë
Hyn në fuqi “paqja fiskale”, falen detyrimet tatimore e doganorë për bizneset
Nga sot paga minimale 50 mijë lekë, hyri në fuqi edhe rritja e pensioneve, afro 760 mijë përfitues
Kaos dhe dhunë në Holandë gjatë Vitit të Ri, viktima dhe të plagosur nga fishekzjarret
Dhjetëra njerëz të vdekur nga shpërthimi në Zvicër (video momentit te shperthimit)
Shenjat e zodiakut që bëhen më të bukura ndërsa plaken
Zakonet e vitit të ri nëpër botë, pse rumunët vishen si arinj dhe danezët thyejnë pjatat?
Tragjedia me 47 viktima, qeveria zvicerane shpall pesë ditë zije
Zohran Mamdani merr zyrtarisht postin si kryebashkiak i New Yorkut
Papa Leoni XIV nis Vitin e Ri me meshë solemne
Sigurimi i automjeteve/ Nga 2026 hyn në fuqi historiku i aksidenteve, sa do paguajnë qytetarët
“Wizz Air” le në mëshirë të fatit pasagjerët e linjës Londër-Tiranë
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Vizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
Rrëzohet aeroplani në Britani, alarm në aeroportin Southend në Londër
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Bashkimi me euron do të kishte mbuluar koston e NHS-së
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Britania marrëveshje me Angolën dhe Namibinë për kthimin e emigrantëve
Emigrantët kthehen, por Shqipëria nuk i mban
Këta janë 10 kandidatët më të votuar në Vetëvendosjes
-
Albania1 day ago“Wizz Air” le në mëshirë të fatit pasagjerët e linjës Londër-Tiranë
-
UK4 days agoFOTO/ Nëna me dy fëmijët humbën jetën në një zjarr tragjik në Angli
-
Albania4 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania5 days ago
Shqiptari në Britani shpëton nga deportimi pasi “partnerja nuk i flet shqip”
-
UK1 day agoVizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
-
UK5 days ago
Rrëzohet aeroplani në Britani, alarm në aeroportin Southend në Londër
-
Sports4 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK2 days agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë