Bota
Rendi botëror në prag të shembjes vetëm 13 muaj pasi Biden mori postin
Nga Petter Hasson, FOX NEWS
Ashtu siç e tha kandidati Joe Biden gjatë fushatës, gjërat ishin të thjeshta: zgjidheni si president dhe rendi botëror do të kthehej sërish në atë pikë kur Amerika nuk do të anashkalohej.
“Bota nuk organizohet vetë. Udhëheqja amerikane, e mbështetur nga qëllime të qarta dhe strategji të shëndosha, është e nevojshme për të adresuar në mënyrë efektive sfidat përcaktuese globale të kohës sonë,” thuhej në faqen e fushatës së Biden. “Për të udhëhequr sërish, ne duhet të rivendosim besueshmërinë dhe ndikimin tonë. Që nga dita e parë e administratës së Biden, vendet e tjera do të kenë edhe një herë arsye për të besuar dhe respektuar fjalët e një presidenti amerikan”.
Dhe ai foli ashpër për presidentin rus, Vladimir Putin.
“Vladimir Putin nuk do që unë të jem president. Ai nuk do që unë të jem kandidat. Nëse po pyesni veten pse- kjo është sepse unë jam i vetmi person në këtë fushë që kam qenë ballë për ballë me të,” shkruante Biden më 21 shkurt 2020.
Por pak më shumë se 13 muaj që kur presidenti Biden mori detyrën, rendi botëror i pas-Luftës së Ftohtë është në prag të rrënimit të plotë.
Filloi me largimin poshtërues amerikan nga Afganistani, gjatë të cilit afganët u kapën të dëshpëruar pas avionëve amerikanë në nisje duke gjetur vdekjen, siguria e ushtarëve amerikanë varej nga luftëtarët talibanë dhe civilët amerikanë u bllokuan në vend pasi presidenti i tyre theu premtimin se nuk do i linte pas.
Mbreti i kodrës
Rendi global tani i ngjan pak a shumë një versioni mbarëbotëror të ‘mbretit të kodrës’. Rusia po kryen një pushtim të dhunshëm në Ukrainë- pavarësisht garancive të Biden se nëse zgjidhej, Putin nuk do e ngacmonte më Europën Lindore.
“Putin e di se kur të jem president i SHBA, ditët e tij të tiranisë dhe përpjekjet për të intimiduar Shtetet e Bashkuara dhe ata në Europën Lindore kanë mbaruar,” tha Biden në tetor të vitit 2019.
Sekretarja e shtypit në Shtëpinë e Bardhë, Jen Psaki u pyet të martën për premtimin e Biden se Putin nuk do e frikësonte më Europën Lindore, por ajo mohoi që garancia e Biden ka dështuar.
“Unë do ta shikoja nga ky prizëm: SHBA dhe presidenti Biden kanë mbledhur botën, kanë mbledhur Europën për të dalë kundër përpjekjeve dhe veprimeve të presidentit Putin,” tha Psaki.
Rusia ka nisur një luftë në shkallë të gjerë kundër Ukrainës pasi Putini shpalli një ‘operacion special ushtarak’ në vend. Pranohet gjerësisht se Putini po kërkonte një pretekst për të pushtuar pasi mblodhi masivisht trupat përgjatë kufirit me Ukrainën dhe shpalli pavarësinë e dy rajoneve në Ukrainë.
Gjithsej 137 ushtarë dhe civilë ukrainas kanë vdekur që nga mëngjesi i të premtes, tha presidenti ukrainas Volodymyr Zelensky në një fjalim. Ky numër pritet të rritet.
Ofensiva ruse duket se është fillimi i një pushtimi në shkallë të gjerë, që synon rrëzimin e kryeqytetit Kiev, tha të enjten një zyrtar i lartë i mbrojtjes amerikane.
“Sipas vlerësimit tonë, ata kanë për qëllim që të presin kokat e qeverisë,” tha zyrtari.
Vëzhguesit ndërkombëtarë janë alarmuar nga mundësia e përhapjes së dhunës përtej kufijve të Ukrainës në një luftë më të gjerë evropiane.
Ftesë për agresion
Ndërsa disa kritikë kanë argumentuar se kaosi në botë do ishte më i rëndë nën presidencën e Trump, republikanët kanë argumentuar se dobësia e perceptuar e Biden në skenën botërore ka nxitur agresion.
Nuk është vetëm Rusia që kërkon të përfitojë nga paqëndrueshmëria globale.
Kina me të gjitha veprimet e fundit duket se po kërkon të marrë kontrollin e Tajvanit. Propagandistëve të Partisë Komuniste Kineze iu është thënë kështu.
Një media shtetërore kineze u duk se postoi aksidentalisht udhëzime se çfarë duhet dhe çfarë nuk duhet publikuar në lidhje me konfliktin Rusi-Ukrainë. Horizon News postoi udhëzimet së bashku me një shënimin se asnjë postim i pafavorshëm për Rusinë apo me përmbajtur pro-perëndimore nuk duhet të publikohet.
Min Jinwei, redaktor i lartë në agjencinë e lajmeve Xinhua, shkroi në mënyrë të ngjashme në blogun e tij në WeChat rreth asaj se si media e tij duhet të ecte në një linjë të ngushtë në mbulimin e çështjes së Ukrainës, duke vënë në dukje se “Kina duhet të mbështesë Rusinë me mbështetje emocionale dhe morale, duke mos shkelur gishtat e SHBA dhe BE”.
Në postimin e tij, ai shtonte: “Në të ardhmen, Kina gjithashtu do të ketë nevojë për mirëkuptimin dhe mbështetjen e Kinës kur të luftojë me Amerikën për të zgjidhur njëherë e përgjithmonë çështjen e Tajvanit”.
Një raport i ri i Pentagonit detajon aftësitë raketore bërthamore të Kinës dhe aftësinë e saj për të goditur Shtetet e Bashkuara në rast të një lufte botërore.
Raporti, i cili iu dorëzua Kongresit më 23 dhjetor, thotë se Kina është e aftë të godasë pjesën më të madhe të SHBA-së me raketat DF-31.
Raporti nënvizon:
“Përforcimi historik ushtarak i Kinës e ka bërë kontinentin e SHBA-së gjithnjë e më të prekshëm. Kina mban një arsenal të madh dhe në rritje të armëve bërthamore, detare dhe konvencionale me rreze të gjatë veprimi, si dhe aftësi kibernetike dhe hapësinore, të afta të kërcënojnë drejtpërdrejt sigurinë e amerikanëve”.
Qëllimi përfundimtar i Kinës
Departamenti Amerikan i Luftës pretendon se qëllimi përfundimtar i Kinës është të bëhet një superfuqi globale deri në vitin 2049, e aftë të mbrojë të gjitha interesat e vendit.
Me një ushtri të klasit botëror, Departamenti Amerikan beson se Kina do të kërkojë të pushtojë Tajvanin dhe ta përfshijë atë në Kinë, pasi ajo tashmë e pretendon ishullin si pjesë të shtetit kinez.
Raporti tha gjithashtu se Kina ka të paktën 100 raketa balistike ndërkontinentale (ICBM) DF-31, të cilat janë zhvendosur në vende nëntokësore lëshimi, të njohura si silos. Këto raketa kanë një rreze veprimi prej 11,000 kilometrash, duke mbuluar pjesën më të madhe të Shteteve të Bashkuara.
Këto silura janë vendosur në zona të largëta në Kinën veriore dhe perëndimore: në Hami, Xinjiang, Yumen, Gansu dhe Yulin, Mongolia e Brendshme, pranë kufirit me Mongolinë. Edhe pse Kina vlerësohet të ketë gjithsej 320 silo në këto tre zona, SHBA-të besojnë se vetëm 100 prej tyre janë të pajisura me raketa.
“Trump kërkon paqe”
Duke folur për Daily Mail, një zyrtar i lartë i Departamentit të Luftës tha se Donald Trump dhe administrata e tij po kërkojnë të ulin tensionet dhe në fund të fundit të shmangin çdo konflikt global, siç është një Luftë e Tretë Botërore.
“Presidenti Trump kërkon një paqe të qëndrueshme, tregti të drejtë dhe marrëdhënie të respektueshme reciprokisht me Kinën. Departamenti i Luftës do të mbështesë qëllimin e Presidentit duke hapur një gamë më të gjerë komunikimesh ushtarake me Ushtrinë Çlirimtare Popullore dhe duke kërkuar mënyra të tjera për t’i bërë të qarta qëllimet tona paqësore”, tha ai.
Frika e republikanëve
Megjithatë, disa republikanë kanë paralajmëruar për “kërcënimin” që Kina përbën për SHBA-të në të ardhmen.
Sipas një raporti nga ‘Politico’, përfaqësuesi Nathaniel Moran paralajmëroi se Kina mund të kthehet kundër SHBA-së në sektorin farmaceutik, pasi furnizon rreth 80% të përbërësve aktivë farmaceutikë të përdorur në Shtetet e Bashkuara.
“Brenda natës, Kina mund të mbyllë rubinetin dhe shumë produkte thelbësore farmaceutike, madje edhe gjëra si aspirina, mund të zhduken nga zinxhiri i furnizimit në Shtetet e Bashkuara”, paralajmëroi ai.
Ai iu referua gjithashtu fuqisë ushtarake në rritje të vendit dhe shtoi:
“Ne e dimë se qëllimi afatgjatë i Kinës është në thelb dominimi ekonomik, diplomatik dhe ushtarak në të gjithë botën, dhe ata i shohin Shtetet e Bashkuara si një kundërshtar”.
Një alarm u dha në lagjen Floria të Stambollit, kur dy anije cisterna me flamuj azerbajxhanas dhe turk dërguan një sinjal rreziku.
Incidenti ndodhi në brigjet e Bakirkoy, në Turqi, ndërsa autoritetet kompetente mobilizuan menjëherë ekipet e shpëtimit.
Sipas një deklarate nga Ministria turke e Transportit dhe Infrastrukturës, dy anijet cisterna “ranë në kontakt ndërsa ishin të ankoruara në zonën Kucukcekmece. Ato janë anije cisternë KALBAJAR 141 metra e gjatë dhe ALATEPE 115 metra e gjatë”.
Siç u theksua në njoftim, për shkak të afërsisë së anijeve me bregdetin dhe raportimit të kontaktit midis tyre, ekipet e shpëtimit në tokë, si dhe një rimorkiator, që i përkiste Drejtorisë së Përgjithshme të Sigurisë Bregdetare, u dërguan menjëherë në vendngjarje.
Deri më tani, nuk është raportuar asnjë informacion për lëndime apo ndotje detare, ndërsa shërbimet kompetente vazhdojnë të monitorojnë situatën dhe të hetojnë rrethanat në të cilat ndodhi incidenti.
Kina ka intensifikuar ndjeshëm presionin ushtarak ndaj Tajvanit, duke lëshuar raketa dhe duke zhvilluar stërvitje të mëdha ushtarake rreth ishullit, në atë që konsiderohet një nga manovrat më të rrezikshme të viteve të fundit.
Sipas mediave ndërkombëtare, gjatë ditës së dytë të stërvitjeve ushtarake, forcat kineze kanë lëshuar raketa në ujërat në veri dhe jug të Tajvanit, si pjesë e një simulimi për bllokimin e ishullit. Ushtria kineze zhvilloi rreth 10 orë trajnime intensive, duke përfshirë sulme ajrore, detare dhe operacione kundër nëndetëseve.
Stërvitjet, të quajtura “Misioni i Drejtësisë 2025”, vijnë vetëm 11 ditë pasi Shtetet e Bashkuara njoftuan një paketë ndihme ushtarake prej 11.1 miliardë dollarësh për Tajvanin, çka ka shkaktuar reagim të ashpër nga Pekini.
Autoritetet kineze deklaruan se manovrat kanë për qëllim parandalimin e çdo ndërhyrjeje të huaj. “Çdo forcë që përpiqet të ndërhyjë në çështjet e Kinës do të përballet me pasojat”, u shprehën zyrtarë nga Zyra për Çështjet e Tajvanit.
Tensionet janë shtuar edhe pas deklaratave të kryeministrit japonez, i cili sugjeroi se Japonia do të reagonte në rast të një sulmi ndaj Tajvanit. Në këtë kuadër, presidenti kinez Xi Jinping ka promovuar komandantin e Komandës Lindore, duke sinjalizuar gatishmërinë ushtarake të Pekinit.
Faqet e para të gazetave në UK
Vonesat e Eurostar hyjnë në ditën e dytë, pasi pasagjerët ngecën në bord gjatë natës.
Brenda “Strofkës së Ujkut “, udhëtim në bunkerin sekret ku Hitleri drejtoi luftën dhe i mbijetoi atentatit
Harta e ndërrimit të viteve, bota feston për 26 orë, nga Kiritimati në Samoa, ja kush hyn i pari në 2026
Miura nuk dorëzohet, në moshën 58 vjeçare gjen një klub të ri në Japoni
Broja jep asist, por Burnley mundet nga Newcastle
Vendimi i qeverisë, zbardhet skema e re e kompensimit, nga 600 deri në 1800 lekë shtesë në muaj, ja kush përfiton
Qeveria nderon legjendat, 13 figura të shquara të artit dhe sportit përfitojnë pension të posaçëm
Jennifer Lopez e lumtur dhe e lirë pas ndarjes nga Ben Affleck: Fokus tek puna dhe fëmijët
Dasmë për 80-vjetorin! Këngëtarja “Cher” do kurorëzohet përsëri, partneri i saj 40 vite më i ri: S’më intereson mosha…
Raporti amerikan zbulon se sa armë bërthamore zotëron Kina dhe a mund të sulmojë SHBA-të!
VIDEO/ Alarm pranë Stambollit, 2 anije cisternë përplasen mes tyre në Detin e Marmarasë!
Kina rrit tensionet: Lëshon raketa drejt Tajvanit dhe rrethon ishullin me luftanije
Adriatik Lapaj: Vitin e Ri do e hamë në shesh te Kryeministria
Përse duhet të PUTHNI dikë mesnatën e Vitit të Ri?! Tradita që ju ndihmon
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Këta janë 10 kandidatët më të votuar në Vetëvendosjes
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Bashkimi me euron do të kishte mbuluar koston e NHS-së
Emigrantët kthehen, por Shqipëria nuk i mban
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Fqinji me Shqipërinë sapo shkroi historinë
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania4 days ago
Shqiptari në Britani shpëton nga deportimi pasi “partnerja nuk i flet shqip”
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK4 days ago
Rrëzohet aeroplani në Britani, alarm në aeroportin Southend në Londër
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Albania12 hours agoIronia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
-
Kosova1 day agoKëta janë 10 kandidatët më të votuar në Vetëvendosjes