Për herë të parë, kirurgët amerikanë kanë transplantuar një veshkë nga një derr i modifikuar gjenetikisht në një pacient të gjallë, duke hedhur një hap tjetër drejt një zgjidhjeje të mundshme të mungesës kronike të organeve, njoftoi sot Spitali i Përgjithshëm i Massachusetts në Boston.
Sipas deklaratës, pacientja 62-vjeçare po rikuperohet nga operacioni i realizuar rreth një javë më parë. Transplantet e tjera të veshkave nga derrat e modifikuar gjenetikisht janë bërë në të kaluarën e afërt dhe organet funksionuan, por pacientët që i morën ato ishin tashmë të vdekur në tru.
Operacioni katërorësh u zhvillua më 16 mars dhe shënon një moment historik të rëndësishëm në kërkimin e organeve të disponueshme për pacientët, tha spitali. Veshka e derrit erdhi nga laboratori eGenesis në Kembrixh, Massachusetts, i cili thotë se synon t’i japë fund mungesës së organeve për transplantim dhe të revolucionarizojë trajtimet e dështimit të organeve.
Zemrat e derrave të modifikuara gjenetikisht u janë transplantuar pacientëve, por ata kanë vdekur. Qëllimi i modifikimit gjenetik të organit është të kufizojë rrezikun e refuzimit të tij nga marrësi.“Mjekët më shpjeguan në detaje të mirat dhe të këqijat e procedurës”, tha pacienti Richard Schleiman, sipas njoftimit. “E pashë si një mënyrë jo vetëm për të ndihmuar veten, por edhe për t’u dhënë shpresë mijëra njerëzve që kanë nevojë për një transplant për të mbijetuar,” shtoi ai.
Më shumë se 100 mijë njerëz janë në listën e pritjes për një organ në SHBA. Transplantet më të shpeshta janë ato të veshkave. Vitet e fundit, në SHBA është bërë përparim i rëndësishëm në fushën e ksentransplantimit, pra transplantimit të organeve të kafshëve te njerëzit.
