Bashkëshortja e Princit Harry, Meghan Markle, i kërkoi gjykatës të enjten të ndalojë botuesit e tabloidit Mail on Sunday të botojë emrat e pesë miqve të saj që mund të jenë dëshmitarë në proceset gjyqësore në vazhdim.
Meghan është duke paditur botuesin britanik Associated Newspapers mbi artikujt në tabloidin Mail on Sunday që përfshijnë pjesë të një letre që ajo i dërgoi babait të saj Thomas Markle në gusht 2018.
Tabloidi justifikon botimin e letrës duke pretenduar se pesë miq të Meghan pa emër paraqitën versionin e saj të ngjarjeve në intervista për revistën amerikane People.
Avokatët e saj thonë se nuk është e vërtetë që ajo autorizoi miqtë e saj për t’i treguar revistës People për letrën, dhe të enjten ata thanë se Associated Newspapers po kërcënonin të botonin emrat e tyre.
“Këto gra nuk po gjykohen, as unë. Unë jam duke u gjykuar nga botuesi Mail on Sunday,” tha Meghan në një deklaratë para Gjykatës së Lartë të Londrës.
“Secila prej këtyre grave është një person privat, një nënë e re dhe secila ka një të drejtë themelore të intimitetit,” shtoi ajo.
Meghan dhe Harry jetojnë me djalin e tyre Archie në Los Anxhelos pasi ata hoqën dorë nga detyrat e tyre mbretërore në fund të marsit, pjesërisht për shkak të ndërhyrjeve të mëdha mediatike në jetën e tyre.
Në maj, një gjyqtar në këtë çështje hodhi poshtë një pjesë të padisë së saj se mediat vepruan padrejtësisht dhe shkaktoi grindje midis saj dhe babait të saj.
