“Edhe në opozitë, ata
janë përsëri një pengesë e madhe për rrugën tonë të zhvillimit dhe përparimit”,
deklaroi kryeministri i Shqipërisë, Edi Rama, duke komentuar veprimet e
opozitës.
Nga takimi me banorë të Pukës në kuadër të turit “Bashkia që duam”, kryeministri i Shqipërisë u ndal te dallimi që ekziston mes mazhorancës dhe opozitës, që sot ka dalë hapur si pengesë për ecurinë e mëtejshme të vendit tonë drejt çeljes së negociatave dhe janë kthyer në bojatisës me pahir të një imazhi të papëlqyeshëm për vendin”.
“Pa asnjë vizion, program zhvillimi, alternativë, ide apo lidership, por thjesht bam e bum, ku rafsha mos u vrafsha dhe punë e madhe se po bie e po vritet shpresa e njerëzve të zakonshëm nga sjellje dhe akte të papranueshme”, tha Rama, duke iu referuar qëndrimit të opozitës.
Se çfarë ka bërë opozita e sotme për Pukën dhe Shqipërinë, sipas kreut të Qeverisë, “qytetarët i dinë mirë dhe i mbajnë mend”.
