Vendimi i samitit të NATO-s për të përcaktuar me detyrim që vendet anëtare të planifikojnë 5 % të Prodhimit të Brendshëm Bruto shpenzim për mbrojtjen është një vendim sfidues për realitetin shqiptar.
Eduard Gjokutaj, drejtor i qendrës Altax thotë se një vendim i tillë rrezikon të zvarritet në zbatim, si dhe të sjellë devijime nga shpërndarja e fondeve të deritanishme nga buxheti i shtetit.
Sipas tij buxheti është në presin nga sfida të mëdha, siç janë mbështetja e arsimit, shëndetësisë, por edhe realizimi i objektivave për anëtarësim në BE.
“Objektivi vit pas viti deri në 2030 gati dyfishohet nga fondet e aktuale. E thënë ndryshe sipas PBB së këtij viti nevojiten 1.3 miliard euro fonde për të zbatuar këtë objektiv në 2025, me një mesatare të kontributit për mbrojtjen me 150-180 milion euro në vit që janë fonde që deri më sot janë projektuar më së shumti për infrastrukturë, për paga apo shpenzime të tjera operative.
Në mungesë të burime të tjera të rritjes së të ardhurave mendoj se një objektiv i tillë vlerësohet si një ngarkesë në zvarritje të atyre që janë angazhime drejt BE-së ose të atyre objektivave të brendshëm social-ekonomike”, sqaroi Gjokutaj në Vizon Plus.
