Politikani britanik Nigel Farage i është drejtuar sot Kryeministrit Edi Rama, duke deklaruar se në Mbretërinë e Bashkuar jetojnë 53,000 shqiptarë, prej të cilëve 1,099 janë në burgje, që përbën një shifër prej 1 në 48. Më parë ai u shpreh se 1 në 50 shqiptarë në Britani ndodhen në burgje, por tani shifrat i dalin 1 në 48.
Farage njofton Ramën se do t’i kërkojë Sekretares së Brendshme britanike të organizojë kthimin e të gjithë të burgosurve shqiptarë në Shqipëri, duke falenderuar Ramën për bashkëpunimin.
Ditët e fundit ka patur një shkëmbim replikash mes Ramës dhe politikanit britanik në X lidhur me çështjen e emigrantëve shqiptarë në Britani, për të cilët Farage i kërkoi Ramës t’i marrë mbrapsht në Shqipëri, pasi pjesa më e madhe e tyre janë të lidhur me kriminalitetin.
Postimi i Farage:
I nderuar @EdiRamaal,
Në Mbretërinë e Bashkuar ka 53,000 shtetas shqiptarë dhe 1,099 prej tyre ndodhen në burgjet tona. Kjo është në fakt 1 në 48.
Do t’i kërkoj Sekretares së Brendshme që të organizojë kthimin e të gjithë këtyre të burgosurve tek ju.
Faleminderit për bashkëpunimin.
