100 mijë veshjet e para mbrojtëse të prodhuara nga kompani të tekstilit në Shqipëri u eksportuan në Gjermani.
Gjermania mbështet industrinë shqiptare të tekstilit për të përballuar pasojat prej pandemisë së koronavirusit, COVID-19.
“Pandemia e koronavirusit ka goditur industri të shumta në mbarë botën, përfshirë industrinë e tekstilit në Shqipëri”, thekson Ambasada e Gjermanisë në Tiranë.
“Me iniciativë dhe mbështetje të programit ProSEED, të financuar nga Qeveria Federale Gjermane dhe në bashkëpunim me Dhomën Gjermane të Tregtisë dhe Industrisë në Shqipëri u eksportuan në Gjermani 100.000 veshjet e para mbrojtëse të prodhuara nga kompani të tekstilit në Shqipëri”, thekson Ambasada Gjermane.
“Veshjet mbrojtëse do përdoren kryesisht për qëllime mjekësore”, nënvizon Ambasada e Gjermanisë./ATSH/
