Me rastin e 100-vjetorin e marrëdhënieve diplomatike mes SHBA-Shqipëri që do festohen këtë vit, Ambasada e SHBA-së në Tiranë poston foto të Legatës amerikanë në Tiranë.
Ambasada e SHBA-së në Tiranë do të postojë çdo të enjte përgjatë gjithë vitit foto të rralla të historisë së marrëdhënieve mes dy vendeve tona.
“Bashkohuni me Ambasadën e Shteteve të Bashkuara në Tiranë dhe Ambasadën shqiptare në Uashington DC ndërsa festojmë 100-vjetorin e marrëdhënieve diplomatike gjatë 2022-shit me rubrikën “Si sot në histori”! Çdo të enjte përgjatë gjithë vitit, ambasadat tona do të postojnë me radhë foto historike në lidhje me përkujtimin e njëqindvjetorit dhe festimin e miqësisë së veçantë mes popullit amerikan dhe atij shqiptar”, thuhet në njoftim.
Po ashtu, Ambasada e SHBA-së në Tiranë sjellë historinë e ndërtimit të godinës së Legatës amerikane në Tiranë.
“Legata amerikane, diku rreth vitit 1938. E ndërtuar në 1920, Legata amerikane është ndërtesa e parë e ndërtuar nga Departamenti Amerikan i Shtetit për të qenë Ambasadë. Fillimisht, Ambasadori i Shteteve të Bashkuara edhe jetonte këtu, duke kryer detyrën zyrtarë në një ambient familjar. Arkitektët të cilët punuan për Legatën Amerikane në Tiranë, Wyeth and Sullivan, ishin arkitektë shumë të respektuar në Uashington DC, të njohur për shtëpitë madhështore të Connecticut Avenue që ata kishin ndërtuar për klientët e tyre të pasur. Nathan Wyeth (1870-1963) gjithashtu projektoi Zyrën e parë Ovale për Presidentin William Taft në 1909. Frymëzimi për rezidencën u mor nga shtëpitë e plantacioneve të Virxhinias të shekullit të 18-të, si Mount Vernon”, thuhet në njoftim.
