Kryetari i Komisionin Qendror të Zgjedhjeve, Ilirjan Celibashi ka propozuar tre variante për procesin e votimit dhe numërimit elektronik, në kuadër të zgjedhjeve parlamentare të 11 majit.
Këto tre drafte të propozuara nga Celibashi pritet t’u vendosën në tryezë partive politike për të nisur negociatat për votimin elektronik.
Por ku konstatojnë këto variante dhe çfarë parashtrojnë ato?
Në skenarin e parë, KQZ propozon votimin dhe numërimin elektronik në 5 njësi të kryeqytetit dhe në Vorë.
Bëhet fjalë për njësitë 1,3,5,8 dhe 9 ndërsa i njëjti proces do të ndiqet edhe në zonën e Bërxullit, Prezës dhe Vorës.
Skenari i dytë parashikon zhvillimin e këtij procesi në njësitë 2, 3, 5, 9 dhe 10 në Tiranë ndërsa zona e Vorës mbetet e njëjtë.
Skenari i tretë nuk përmban vetëm Tiranën por edhe qytetin e Durrësit.
Në shkresë kërkohet që votimi elektronik të zhvillohet vetëm në njësitë 5 dhe 10 në Tiranë ndërsa në Durrës të përfshihet nga rajoni 1 deri në rajonin 5. Zona e Vorës edhe në variantin e 3-të mbetet i njëjtë.
Propozimet e pjesshme të KQZ-së vijnë për shkak se Partia Demokratike ka refuzuar që procesi i votimit dhe numërimit elektronik të shtrihet në nivel qarku.
