Shërbimet Shtetërore të Emergjencave të Ukrainës, kanë njoftuar detajet mbi sulmin e forcave ruse mbi një ndërtesë qeveritare.
Sulm i cili u raportua fillimisht nga presidenti Volodymir Zelensky në një adresim për Parlamentin danez.
Shërbimet e Emergjencës sqaruan se si pasojë e sulmit kanë humbur jetën të paktën 12 persona dhe janë lënduar 33 të tjerë.
Sulmi i forcave ruse vuri në shënjestër zyrën e guvernatorit ushtarak rajonal të rajonit jugperëndimor të Ukrainës Mykolaiv.
“Ata goditën ndërtesën e administratës rajonale, prishën gjysmën e ndërtesës, goditën zyrën time. Shumica e njerëzve u shpëtuan për mrekulli”, tha guvernatori Vitalii Kim në një postim në rrjetin Telegram.
