Raportohet se 17 persona kanë mbetur të vdekur dhe pesë të tjerë të lënduar pas shembjes së një hoteli në qytetin lindor kinez, Suzhou.
Pas 36 orëve të operacioneve të kërkim-shpëtimit, punëtorët gjetën 23 persona të mbuluar nga rrënojat, gjashtë prej të cilëve ishin ende gjallë, shkruan BBC.
Sipas një hetimi preliminar, shembja u shkaktua nga ndërrimi i strukturës që pronari ia kishte bërë ndërtesës. Thuhet se ndërtesa është rinovuar disa herë viteve të fundit.
“Ndërtesa kishte vetëm tri kate, por gjatë viteve ata kanë ndërtuar kate shtesë”, tha një banor për një faqe lokale të lajmeve.Reklamë
Qeveria provinciale tha se po zhvillohen hetime rreth këtij aksidenti dhe se personat përkatës do të përballen me akuza kriminale.
Në të kaluarën, shembja e ndërtesave në Kinë është lidhur me punën e dobët ndërtimore.
Vitin e kaluar, 29 persona vdiqën pas shembjes së një hoteli në provincën Fujian. Hetuesit më vonë zbuluan se kishte pasur probleme serioze në ndërtimin e hotelit.
