Monumenti i pavarësisë NEWBORN do të vijë sërish me pamje të re për Ditën e Pavarësisë së Kosovës. Ekipi i Fisnik Ismailit po i jep dorën e fundit me detajet qe për të 17-tin vit me radhë do t’i japin monumentit pamjen e tij unike.
Çdo here mesazhi i NEWBORN e ka treguar shtetin e ri te Kosovës pjesë të gjithë botës.
Edhe kësaj here ai do të reflektojë një nga temat më të diskutuara në vend dhe në mbarë botën – inteligjencën artificiale, me dobitë dhe rreziqet e saj.
“Ne mundohemi përmes NEËBORN me paraqit diçka që e bën Kosovën pjesëmarrëse në botë. Më aktuale se inteligjenca artificiale për momentin s’ka kurrgjo. Mënyra se qysh ajo po bëhet pjesë integrale e jetëve tona. Edhe të pëlqen apo jo, e deshe apo e urrejte, është e pashmangshme dhe ka mu bo pjesë e jona dhe mirë është me i ndërgjegjësu njerëzit dhe me ja përkujtu se është këtu, është ndihmesë, është benefit por edhe paraqet rreziqe”, tha Fisnik Ismaili.
