Të paktën 19 persona kanë vdekur pasi një lokali ku bëhej karaoke në Papuan Perëndimore të Indonezisë iu vu flaka, pas një përleshjeje mes bandave rivale të të rinjve në zonë, ka bërë të ditur policia indoneziane.
Një person u godit për vdekje me thikë në përleshjen herët të martën, përpara se vendi të digjej me 18 persona të bllokuar brenda, tha një zyrtar i policisë.
“Përleshjet mes të rinjve në qytete janë normale, por që kanë shkaktuar kaq shumë vdekje, kjo është e para”, ka thënë një zëdhënës i policisë së Papua-s Perëndimore.
Ai tha se incidenti vdekjeprurës në vendin e argëtimit në Sorong ishte ende nën hetim dhe ishte e paqartë nëse numri i të vdekurve do të rritet.
Thuhet se përleshja ishte midis dy bandave rivale nga ishulli fqinj Maluku.
