Ukraina pretendon se deri më tani janë vrarë afro 20 mijë trupa ruse që nga nisja e sulmit ushtarak.
Kievi po vazhdon kundërsulmet, duke bërë që forcat ruse të tërhiqen nga terrene të rëndësishme rreth Kievit dhe qytetit Chernihiv.
Sipas Daily Mail, kjo situatë ka bërë që Rusia të thërrasë rreth 60 mijë rezervistë në armë, shumica e të cilëve janë 60 vjeç.
Ndërkohë rekrutët rusë thonë se janë detyruar të përdorin pushkë të shekullit të 19-të në luftime.
Jo vetëm kaq, por sipas DM, ata thonë se po detyrohen të pinë ujë në pellgje të mbushura me bretkosa të ngordhura dhe urdhërohen që të tërheqi zjarrin e armikut duke u përdorur si mish për top.
Një nga rekrutët tha se i kishin thënë që të dilte në front, por ai ishte shprehur se nuk dinte të përdorte armën.
Sipas Reuters, këto dëshmi tregojnë qartë se sa të pastërvitur, të demoralizuar dhe të papajisur janë ushtarët që ka dërguar Putini në luftë.
