Me këtë porosi, një grup protestuesish nga Prishtina kundërshtuan dhënien e çmimit “Nobel për Letërsi ” për shkrimtarin austriak, Peter Handke, i cili njihet si përkrahës i Sllobodan Millosheviqit.
Një zarf me fotografi që dokumentojnë dëshmi të krimeve të Millosheviqit, iu dorëzua Ambasadës Suedeze në Prishtinë. Protestuesit kanë kërkuar që këto dëshmi t’i dërgohen Akademisë Suedeze, që ndan çmimin prestigjioz letrar, raporton KTV.
Numri i protestuesve që dolën para Selisë së Ambasadës Suedeze në Prishtinë, nuk ishte i madh, por ata u mblodhën me një qëllim të përbashkët.
Peter Handke, kaherë qe rreshtuar përkrah regjimit të Slobodan Milloshevqit, derisa kishte dalë hapur kundër bombardimeve të NATO-s më 1999. Në vitin 2006, ai mbajti fjalim në funeralin e Millosheviqit.
Ndarja e çmimit “Nobel për Letërsi” për përkrahësin e Millosheviqit, u shoqërua me reagime të shumta në media dhe rrjete sociale.
