Ministria e Shëndetësisë njofton se gjatë ditës së enjte në Maqedoninë Veriore, janë kryer 5,742 teste për COVID-19 dhe prej tyre kanë rezultuar pozitivë 760 persona.
Gjatë të enjtes janë regjistruar 23 viktima të tjera nga koronavirusi në të gjithë vendin.
Në 24 orët e fundit janë regjistruar edhe 644 pacientë të shëruar duke e çuar numrin e të shëruarve që nga fillimi i pandemisë në 157 294. Rastet aktive me virus janë 14,878, ndërsa numri total i vdekjeve është 5,987.