28 persona kanë humbur jetën si pasojë e koronavirusit në Kosovë në 24 orët e fundit, ka njoftuar Ministria e Shëndetësisë në raportin ditor të së martës. Janë regjistruar edhe 920 raste të reja nga testimi i mbi 10 mijë mostrave.
Me vdekjen edhe të 28 personave, numri total i vdekjeve nga COVID-19 që nga fillimi i pandemisë ka shkuar në 2685.
Ndërkaq, nga fillimi i pandemisë janë regjistruar 153 mijë e 578 raste pozitive.
Aktualisht janë edhe 24 mijë e 484 raste aktive.
