Mario Mitaj ka shënuar golin e parë në Arabinë Saudite me fanellën e Al Itihad, në duelin ndaj Al Qadisija.
21-vjeçari e nisi sfidën nga stoli, teksa u aktivizua në minutën e 35 të pjesës së parë, kur rezultati ishte 1-1.
Mitaj arriti të shndërrohej në protagonist teksa në minutën e 81 tundi rrjetën për të çuar shifrat në 3-1. Mbrojtësi i Kombëtares këmbënguli deri në fund pavarësisht se ishte i rrethuar nga 5 kundërshtarë, duke rifituar topin që më pas e dërgoi në rrjetë.
