Një zjarr i madh ka përfshirë një fabrikë në Nju Delhi sot në mëngjes, duke shkaktuar vdekjen e 43 personave dhe plagosur disa të tjerë, raportoi policia.
“Shumica e personave që humbën jetën, ishin punëtorë që flinin në katet e sipërme të ndërtesës 4-katëshe, të vendosur në zonën Anaj Mandi të kryeqytetit të Indisë, në Dehli”, deklaroi zëdhënësi i policisë MS Randhawa.
“Mbi 60 persona janë nxjerrë jashtë, 43 prej tyre kanë vdekur kryesisht për shkak të thithjes së tymit toksik”, raportoi Randhawa, duke shtuar se,”rreth 15-20 persona po merrnin trajtim mjekësor në spitalet afër zonës”.
“E ashtuquajtura fabrikë, e cila në të vërtetë strehonte një grup punëtorësh në disa kate, shërbente për prodhimin e çantave të shkollës dhe të produkteve të tjera plastike, nuk plotësonte kushtet e nevojshme për sigurinë nga zjarri”, tha një zyrtar nga Departamenti i Zjarrit.
