Opinioni publik ka kritikuar ashpër Sekretarin e Jashtëm britanik David Cameron për marrjen me qira të një avioni luksoz si pjesë e turneut të tij 8-ditor në Azi që thuhet se ka kushtuar plot 49 milionë euro.
“The Guardian” shkruan se kundërshtarët e ish-kryeministrit britanik e akuzojnë atë se dëshiron të udhëtojë si mbret, duke i ngarkuar taksapaguesit britanikë me një kosto të madhe. Cameron udhëtoi me këtë avion të përshkruar nga tabloidi “The Mirror” si një nga avionët privatë luksozë më të mirë që mund të blihen për një udhëtim diplomatik.
“Union Aviation”, kompania që ka këtë avionin, shpjegon në faqen e saj të internetit se ka kuzhinierë dhe ekspertë për të ndihmuar me përzgjedhjen e verës dhe menusë më të mirë për pasagjerët.
Vitin e kaluar, paraardhësi i Cameron, James Cleverly, u kritikua për një faturë të kripur kur përdori të njëjtin lloj avioni për një turne 8-ditor në Karaibe dhe Amerikën Latine.
