Seria e aktiviteteve publike për të shenuar 70-Vjetorin e Këshillit të Europes u finalizua mbrëmë në një pritje në Tiranë, e cila mblodhi partnerë kyç, përfitues e vendim-marrës për të festuar themelimin e organizatës politike më të vjetër në rajon, e njëkohësisht për të reflektuar mbi rezultatet e arritura si dhe sfidat e së ardhmes.
Pjesmarrës në këtë pritje ishte edhe Ministri në Detyre për Europën dhe Punët e Jashtme, Gent Cakaj gjatë fjalës së tij theksoi se “ngjarja e sotme, është jo vetëm përkujtim i themelimit të Këshillit të Europës, por edhe një vlerësim i rrugëtimit të përbashkët në ndërtimin e demokracisë dhe afirmimin e vlerave që na mbajnë së bashku”.
