Numri i të prekurve me koronavirus në Shqipëri është rritur në 76, ka njoftuar Ministria e Shëndetësisë.
Sipas njoftimit, në 24 orët e fundit gjashtë persona të tjerë kanë rezultuar me Covid-19, ndërkohë që janë kryer 46 teste.
Kryeqendra Tirana, vazhdon të jetë vatra e të infektuarve. Janë regjistruar plot 55 raste, raporton TCh.
Deri më tash, dy persona kanë humbur jetën si pasojë e koronavirusit, ndërkohë 37 pacientë janë të shtruar në Klinikën Infektive, prej tyre katër janë në kujdes intensiv.
Numër i njëjtë i të infektuarve është edhe në Maqedoninë Veriore – 76, por deri më tash nuk ka të vdekur.
Në dy shtetet tjera fqinje të Kosovës, janë 163 raste: 149 në Serbi dhe 14 në Mal të Zi. Në Serbi është shënuar edhe një viktimë.
Në Kosovë janë 24 raste me koronavirus deri më tash.