Paketa e rimëkëmbjes ekonomike të Bashkimit Europian prej 672,5 miliardë euro (815 miliardë dollarë) mori miratimin përfundimtar sot.
Një pjesë e madhe e këtyre parave – 312,5 miliardë euro – do të shpërndahen në grante për investime dhe reforma në 27 vendet e bllokut.
Për të marrë paratë, qeveritë duhet të paraqesin planet e tyre të shpenzimeve deri më 30 prill.
Pjesa tjetër mund të shpërndahet si hua.
Kryeministri portugez, Antonio Costa, vendi i të cilit mban presidencën e radhës të Këshillit të BE, nënshkroi dokumentin në emër të vendeve, ashtu si presidenti i Parlamentit Europian David Sassoli, në prani të presidentes së Komisionit Europian, Ursula von der Leyen.
Sidoqoftë, do të duhen disa muaj derisa paratë të fillojnë të livrohen.
