Ministrja e Infrastrukturës dhe Energjisë, Belinda Balluku nga nyja e Milotit ku gjendja si pasojë e reshjeve të borës paraqitet e vështirë ka njoftuar se nga ora tetë e darkës nuk do të lejohet asnjë automjet i tonazhit të rëndë në akset kombëtare.
Balluku tha se ndalimi vjen pasi automjetet e rënda po krijojnë probleme në këto akse duke bllokuar borëpastrueset si dhe qarkullimin e automjeteve të tjera.
Ministrja bëri gjithashtu të ditur se deri të hënën në mëngjes automjetet e tonazhit të rëndë nuk lejohen të qarkullojnë në akset kombëtare.
