Besimtarët katolikë sot kremtojnë festën e Pashkëve. Për këtë kanë uruar zyrtarë të institucioneve dhe partive politike.
Kandidatja për presidente, Vjosa Osmani, ka uruar besimtarët katolikë, duke bërë thirrje që kjo festë të shpërfaqë dashurinë, tolerancën dhe zemërgjerësinë.
“Në këtë ditë feste kam veç një urim. Që në një të ardhme të afërt, secilën festë ta presim bashkë, që ta kemi mundësinë secilit t`ia zgjatim dorën, ta urojmë e ta përqafojmë”, ka shkruar ajo.
Kryetari i Lidhjes Demokratike të Kosovës, Lumir Abdixhiku, ka uruar për festën duke thënë që këto Pashkë i gjejnë qytetarët duke u përballur me pandeminë, derisa ka bërë thirrje që kjo ditë të jetë e besimit që “shpejt do të jemi bashkë në çdo kremte”.
Lideri i Aleancës Kosova e Re, Behgjet Pacolli ka uruar besimtarët, duke u dëshiruar lumturi dhe begati në familjet e tyre.
