Albania
Shqipëria ndër 5 vendet e Evropës që ka bërë më pak vaksina
Vaksinimi po ecën me ritme të shpejta në të gjithë Europën, teksa me afrimin e verës, vendet po përpiqen që të çlirojnë sa më shumë ekonominë e tyre.
Sipas “Worldindata”, që ndjek ecurinë e përditshme të vaksinimit, deri në datën 6 prill, Mbretëria e Bashkuar është shteti që ka ecur më mirë me këtë proces, duke administruar 55 doza për 100 mijë banorë. Shifra llogaritet si një dozë e vetme dhe mund të mos jetë e barabartë me numrin total të njerëzve që janë vaksinuar, në varësi të regjimit specifik, sqaron “Worldindata”.
Lexo Edhe:
Rikthehen reshjet, dëbora bllokon Llogaranë
Në Mbretërinë e Bashkuar, sipas sky.com, rreth 31.6 milionë persona (60% e të rriturve) e kanë marrë dozën e parë, ndërsa 5.5 milionë (10.4%) kanë marrë të dyja dozat.
Shteti britanik ka filluar të lehtësojë gradualisht kufizimet, por ende nuk e ka bërë të qartë nëse do të lejojë që shtetasit e tij të mund të udhëtojnë për pushime në verë, duke lënë prenotimet pezull.
Serbia është vendi i dytë në Europë për ritmin e lartë të vaksinimit, me 38.5 doza për 100 banorë. Shteti ballkanik eci shpejt me procesin që në mesin e janarit, duke siguruar vaksina nga Pfizer si dhe ruse e kineze.
Serbia jo vetëm ka ecur me shpejtësi për t’i dhënë doza popullatës së vet, por është kthyer dhe në një qendër rajonale vaksinimi. “New Europë” shkuante në fillim të prillit se mijëra njerëz nga vendet fqinje u dyndën në Serbi gjatë fundjavave të fundit për të marrë vaksinat e tyre ndërsa Beogradi shpërndau doza falas në një shenjë solidariteti që u vlerësua në të gjithë botën.
“Më shumë se 22,000 njerëz nga Maqedonia e Veriut, Shqipëria, Mali i Zi, Bosnja dhe Hercegovina, Kosova dhe madje edhe Kroacia bllokuan pikat kufitare për orë të tëra gjatë fundjavës, pasi Serbia i ftoi ata që të merrnin doza falas.
Midis tyre kishte gjermanë, holandezë, austriakë dhe sllovakë. Shumica e shqiptarëve erdhën me avionë me çarter. Kjo fushatë pasoi donacionet e fundit serbe të mijëra vaksinave drejtpërdrejt për qeveritë në rajon”, shkruan “New Europe”. ‘Iniciativa erdhi nga Qeveria Serbe dhe Dhoma e Tregtisë, e cila dërgoi një ftesë për biznesmenë të tjerë në Ballkanin Perëndimor dhe fillimisht siguroi 10, 000 vaksina për punonjësit e rreth 1,500 ndërmarrjeve”.
Serbia, me një popullsi prej rreth 7 milionë banorësh, është vlerësuar shumë në botë për vaksinimin e saj, që renditet në mesin e pesë më të mirëve në botë. Imunizimi masiv filloi në Serbi që nga mesi i janarit dhe deri tani rreth 2.35 milionë doza janë administruar një herë dhe rreth një milion njerëz janë rivaksinuar. Vendi siguroi furnizimet e hershme të AstraZeneca, Pfizer, Sputnik V dhe Sinopharm.
Deri tani nuk ka të dhëna se si ka ndikuar vaksinimi në imunizimin e popullatës serbe. Në gjysmën e parë të marsit, qeveria serbe u detyrua të marrë sërish masa shtrënguese gjatë fundjavave.
Shteti i tretë që ka ecur më shpejt me vaksinimin në Europë është Hungaria, me 22.5 doza për 100 banorë deri në 6 prill.
Por, një artikull i “Washington Post” i datës 29 mars konstatonte se ndonëse Hungaria ka vaksinuar më shumë nga popullsia e saj se çdo vend tjetër në Bashkimin Evropian, ajo vazhdon të jetë një nga më të këqijat në botë në numrin e vdekjeve COVID-19 për frymë.
Shkalla e lartë e vaksinimit në Hungari, një produkt i një strategjie prokurimi që siguroi doza nga Kina dhe Rusia përveç atyre të ofruara nga BE, nuk ka qenë në gjendje të ngadalësojë një rritje të pandemisë që i ka dhënë asaj shkallën më të lartë të vdekshmërisë dy-javore për frymë në botë, sipas Universitetit Johns Hopkins.
Viktor Orban, kryeministri i Hungarisë, ka qenë kritik ndaj shpejtësisë së shpërndarjes së vaksinave të BE-së dhe kërkoi që vendi i tij të prishej me bllokun dhe të siguronte kontratat e vaksinave me vendet lindore. Hungaria ishte e para në BE që miratoi vaksinat Sinopharm të Kinës dhe Sputnik V të Rusisë, duke rritur furnizimet dhe duke e bërë atë një lider të BE-së në numrin e dozave të shpërndara për frymë, sipas “Washington Post”.
Shtetet e tjera me ritme të larta të vaksinimit janë Estonia, Danimarka, Islanda, Turqia, që kanë dhënë doza për të paktën një të pestën e popullsisë. Italia ka vaksinuar 19% të popullsisë, Greqia, rreth 18.7%.
Shqipëria, ndër pesë të fundit, me vaksinimin më të ulët të popullsisë në Europë
Pavarësisht shtimit të ritmit të vaksinimit gjatë dy javëve të fundit, Shqipëria renditet ndër vendet me përqindje më të ulët të popullsisë në Europë që e ka marrë të paktën një dozë dhe shumë poshtë mesatares europiane prej 18.5%. Deri në 6 prill ishin dhënë vaksina për 7.7% të popullsisë.
Shqipëria ia kalon vetëm Bullgarisë (7.5%), malit të Zi (5.5), Maqedonisë së Veriut (0.6%).
Vendi që ka ecur më pak me vaksinimin në Europë është Kosova, që ka bërë doza vetëm për 0.13% të popullsisë.
Çfarë tregon përvoja e Izraelit
Në Izrael, 60% e popullsisë ka marrë të paktën një dozë të vaksinës, me ritmet më të larta në botë, me vaksinën Pfizer. 80 për qind e popullsisë së rritur është plotësisht e vaksinuar dhe infeksionet e reja dhe vdekjet nga COVID-19 kanë rënë, sipas raportimeve të mediave.
Ritmi i lartë i vaksinimit të Izraelit e ka bërë atë një nga vendet e pakta në gjendje të kthehet në pjesën më të madhe të rutinës së tij para-pandemike. Baret dhe bizneset, hotelet dhe klubet shëndetësore kanë filluar të kthehen në jetë në Izrael, shkruan “ctvnews.ca”./monitor/
Bujqësia po e humb peshën e saj në ekonomi. Tkurrja e fondeve që qeveria po i vë çdo vit në dispozicion po bën që sektori të prodhojë më pak vlerë të shtuar në ekonominë e vendit. Kjo ecuri negative u vu edhe më shumë në dukje në tremujorin e tretë të vitit gjatë së cilit kontributi i bujqësisë në ekonomi ishte negativ… 0.41 për qind më pak se në po të njëjtën periudhë kohore të një viti më parë.
“Kam shkruar një artikull në vitet 2000 ku thosha se bujqësia është si puna e një lope që milet tre herë në ditë dhe ushqehet vetëm një herë. Kjo lopë, në këtë rast bujqësia është e destinuar të vdesë”, thotë për A2, Esmeralda Ballesha, eksperte për bujqësinë.
Bujqësia ka hyrë tashmë në cikël rënës, e ndikuar nga njëra anë, nga pakësimi i popullsisë në fshat nga emigracioni i brendshëm dhe i jashtëm dhe mungesa e subvencioneve shtetërore, në anën tjetrën, që e kanë përkeqësuar klimën në sektor.
“Duhet ta themi hapur. Të gjitha qeverisjet në këto 30 vite kanë qenë neglizhente për sa i përket politikave me fshatin. Mentaliteti i qeverive ka qenes e fshatari mori tokën e tij e tani le t’ia dalë vetë. Kjo ka qenë fatale për sektorin e bujqësisë”, thotë Ballesha.
Vitin e kaluar, prodhimi në sektorin bujqësor shënoi rënie me 0.69 për qind. Kjo ndodhi në një kohë kur ekonomia u rrit me gati 3.5 për qind, çka dëshmon se sektori është lënë tashmë në rënie të lirë. “Unë them që minimalisht bujqësia duhet të ketë në dispozicion 800 milionë euro. e Theksoj. Minimalisht. Për të kapur ritmin e vendeve të tjera të Rajonit. Më tej në Europë jemi larg konkurrencës”, thotë Ballesha.
Të jesh i madh, jo gjithmonë do të thotë se ke avantazh. Shembulli më i mirë në vend është bujqësia. Kontributi i saj në ekonomi ka qenë gati 22 për qind e totalit, por sektorit përherë e më shumë po merr më pak para nga buxheti i shtetit. Rrjedhimisht po prodhon më pak vlerë të shtuar në ekonomi.
Kryetari i Partisë Demokratike, Sali Berisha, ka uruar kryeministrin e Kosovës, Albin Kurti, për fitoren e zgjedhjeve të parakohshme parlamentare.
Përmes po postimi në rrjetet sociale, Berisha shkruan se edhe partitë e tjera politike të Kosovës mbajtën qëndrime dinjitoze gjatë fushatës, për respektimin e vullnetit të qytetarëve.
Po ashtu Berisha shkruan se këto zgjedhje treguan se në Kosovë ka garë të lirë dhe demokratike, shkruan A2 CNN.
Kreu i PD nuk harroi të akuzonte kryeministrin Edi Rama për pengim të procesit të rregullt zgjedhor në Shqipëri.
Postimi i Berishës:
Zgjedhjet Parlamentare të 28 dhjetorit 2025 në Kosovë, një sukses frymëzues për Shqipërinë
Të dashur miq, dje Kosova zhvilloi zgjedhjet palamentare të parakohshme, të dytat në një hark kohor 10 mujor. Këto zgjedhje për fushatën, procedurën e votimit, garën e lirë, administrimin e votës ishin një sukses i vërtetë i demokracisë së re të Kosovës dhe mbarë qytetarëve të saj dhe shpresoj një frymëzim për shqiptarët në Shqipëri, ku armiku i egër i votës së lirë të qytetarëve shqiptarë, Ramaduro i Europës, ka shndërruar procesin jetik të zgjedhjeve të lira në farsë të shëmtuar elektorale.
Me këtë rast dua të uroj përzemërsisht qytetarët e lirë të Kosovës, autoriteret e vendit dhe institucionet e administrimit të procesit zgjedhor dhe forcat politike për arritjen e vërtetë të rendit demokratik të vendit të tyre.
Uroj fituesin e zgjedhjeve Z. Albin Kurti për fitoren e thellë të këtyre zgjedhjeve, por edhe të gjitha forcat e tjera politike për pjesëmarrjen dhe qëndrimet e tyre dinjitoze gjatë fushatës dhe respektimin e vendimit të sovranit. Dhe njëherë urime Kosovës, krenari e shqiptarëve! #sb
Qytetarët e Vlorës kanë protestuar sërish sot para dyerve të Bashkisë pasi prej 4-5 ditësh janë pa ujë të pijshëm pas një defekti në linjën kryesore të ujësjellësit.
Njëri prej qytetarëve ka telefonuar kryebashkiaken Brunilda Mersini duke i kërkuar që të vijë personalisht dhe të bisedojë me qytetarët për situatën por Mersini i ka mbyllur telefonin qytetarit pa i dhënë asnjë zgjidhje.
Si pasojë e pakënaqësisë, qytetarët janë zhvendosur në rrugën kryesore, duke bllokuar qarkullimin. Ata kanë pasur disa përplasje me policinë dhe kanë hedhur vezë dhe letra higjenike para ambienteve të Bashkisë.
Ndërkohë, Ujësjellësi i Vlorës ka njoftuar banorët se uji i sjellë me autobotë duhet përdorur vetëm për nevoja emergjente dhe jo për konsum oral. Në njoftim thuhet:
‘Ujësjellës Kanalizimeve Rajoni Vlorë, njofton qytetarët se ujin të cilin po e marrin nga autobotet, duhet t’a përdorin për nevoja emergjente dhe jo për përdorim oral.’
Nga ana tjetër qytetarët shprehen se autoboti që shihni në foto përdoret për zhbllokimin e pusetave të ujërave të zeza, por tani po shpërndan edhe ujë dhe në pikë të hallit kanë marrë bidonat dhe po mbushin ujë.
Këta janë 10 kandidatët më të votuar në Vetëvendosjes
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Kryetari shqiptar i komunës së Morbachut bëhet viral në Gjermani
Bujqësia po e humb peshën e saj në ekonomi, sektori në rënie të lirë
Berisha uron Kurtin për fitoren: Zgjedhjet, një sukses i vërtetë i demokracisë në Kosovë!
BE pret formim të shpejtë të institucioneve të reja të Kosovës
Zbulohet pas 12 vitesh, çfarë tha Michael Schumacher para se të aksidentohej
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
20 pikat e Zelenskyt për t’i dhënë fund luftës, Rusia kundër!
FOTO/ Nëna me dy fëmijët humbën jetën në një zjarr tragjik në Angli
Autoboti i pastrimit të ujërave të zeza, po shpërndan ujë për qytetarët në Vlorë
Strakosha në formë të jashtëzakonshme, AEK-u gjen stabilitet. Garanci edhe për Kombëtaren
I dhanë mundësinë të krijojë qeverinë pa opozitën, Kurti mesazh falënderues për të gjithë votuesit e LVV: U jemi mirënjohës përjetë
Vlora 4 ditë pa ujë, kryetarja e bashkisë: Defekti, fatkeqësi natyrore. Ujësjellësi s’është në varësinë tonë, protestën po e bën opozita
Peskov: Rusia pajtohet me vlerësimin e Trump, bisedimet në fazën përfundimtare
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
FOTO/ Nëna me dy fëmijët humbën jetën në një zjarr tragjik në Angli
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
Anomalia e buxhetit, 2 miliardë euro shpenzime në dhjetor
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Spitalet paralajmëruan se kriza e kujdesit në fund të jetës kërcënon trajtimin
Disidenti egjiptian kërkon falje për tweets, ndërsa konservatorët kërkojnë dëbim nga Mbretëria e Bashkuar
Përplasjet kufitare Taxhikistan-Taleban: Çfarë fshihet pas tyre, pse ndikojnë në Kinë?
Këta janë 10 kandidatët më të votuar në Vetëvendosjes
Titujt e gazetave në UK
-
Albania10 hours agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
UK10 hours agoFOTO/ Nëna me dy fëmijët humbën jetën në një zjarr tragjik në Angli
-
Albania2 days ago
Shqiptari në Britani shpëton nga deportimi pasi “partnerja nuk i flet shqip”
-
Sports9 hours agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK2 days ago
Rrëzohet aeroplani në Britani, alarm në aeroportin Southend në Londër
-
Albania11 hours agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Albania1 day ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
-
UK1 day agoPrinci William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim