Vdekshmëria nga COVID-19 tek personat mbi 50 vjeç në Britani të Madhe, po vazhdon të bie, përgjatë fushatës së vaksinimit e cila ka arritur në 54,4 milionë doza të administruara.
Kjo vjen pasi më shumë se 90 për qind e kësaj grupmoshe është vaksinuar me dozën e parë. Instituti britanik i statistikave e ka konfirmuar këtë prej llogaritjeve javore, sipas rasteve të regjistruara në Angli dhe Uells më 23 prill për moshën mbi 50 vjeç, njofton Klan Kosova.
Llogaritjet treguan se vdekjet ishin 96 përqind më të ulëta se kulmi i përhapjes maksimale të variantit agresiv anglez të virusit në janar.
Në dy muajt e fundit, numri i përgjithshëm i vdekjeve nga ndonjë shkak tjetër është kthyer nën mesataren shumëvjeçare.
