Kreu i Komunitetit Mysliman të Shqipërisë Bujar Spahiu ka reaguar pas rasteve të abuzimit seksual në Shqipëri, duke i cilësuar ngjarjet si të papranueshme.
Spahiu përmes një postimi në rrjetet sociale shkruan se rasti i abuzimit me 15 vjeçaren në Mirditë ishte tronditës.
Ndër të tjera ai ka theksuar se përgjegjësia për reagim ndaj rasteve të tilla nuk është vetëm i organeve kopetente por i të gjithë shoqërisë.
“Është i papranueshëm çdo rast abuzimi ndaj gruas, gjysmës më të mirë të shoqërisë njerëzore.
Rasti më i fundit i abuzimit me të miturën në Mirditë është tronditës.
Përveç reagimit të organeve kompetente, që duhet të jetë reagim i shpejtë dhe shembullor, i atillë duhet të jetë edhe reagimi i mbarë shoqërisë.
Raste të tilla duhen dënuar pa mëdyshjen më të vogël nga secili prej nesh, e kemi detyrim të reagojmë ndaj së keqes në çdo formë që ajo shfaqet”, shkruan Spahiu.
