Trupat britanike do të vazhdojnë kontributin në KFOR deri të paktën në vitin 2023, është raportuar nga Qeveria e Britanisë.
“Prezenca e vazhdueshme e personelit ushtarak britanik në forcat e NATO-s, që për mbi dy dekada ka ndihmuar të mbahet një ambient i sigurt në Kosovë, sinjalizon përkushtimin e Britanisë për sigurinë, stabilitetin dhe prosperitetin në Ballkanin Perëndimor”, thuhet në njoftimin e Qeverisë Britanike.
Britania ka qenë kontribuues kyç në KFOR që kur u fut në Kosovë në vitin 1999 si forcë paqeruajtëse për të sjellë paqe dhe stabilitet pas luftës në Kosovës.
“Vazhdimi i angazhimit tonë në KFOR tregon përkushtimin tonë të palëkundur për rajonin e Ballkanit Perëndimor, ku NATO ka ndihmuar të sjellë stabilitet për më tepër se dy dekada”, ka thënë ministri i Mbrojtjes së Britanisë, Ben Wallace.
